LÈ OU KA KOUMANSÉ ON TI KOZÉ
Akt 8:30, 31
LÈSON 2
Lésé palé-la fè chimen a-y natirèlman
Prensip : « Lè on nonm ka di on pawòl a moman-la ki fo la, a pa ti bèl sa bèl ! » (Pwov. 15:23).
Ègzanp a Filip
1. Gadé VIDÉO-la oben li Akt 8:30, 31. Aprésa réfléchi asi sé kèsyon-lasa :
Sa ègzanp a Filip ka aprann-vou
2. Pou moun-la santi-y alèz é pou i anvi palé èvè-w, lésé ti kozé-la fè chimen a-y natirèlman.
Pou imité Filip…
3. Pran tan òbsèwvé byen. Souvantfwa figi a moun-la oben jan a-y pé ba-w enfòwmasyon asi-y. Ès i ka sanmsa moun-la dakò pou palé èvè-w ? Si sé sa, pou menné ti kozé-la asi Bib-la, ou pé pozé on ti kèsyon tousenp ki ka koumansé konsa : « Ès ou té sav kè… ? » Si ou ka santi moun-la pa anvi kontinyé palé, pa fòsé-y.
4. Montré-w pasyan. Pa santi-w oblijé palé dè sa Labib ka di tousuit. Pisimé atann bon moman-la pou fè-y tou natirèlman. Pétèt défwa, sé adan ondòt ti kozé ou ké pé fè-y.
5. Fò ou paré adapté-w. É si moun-la ka palé dè ondòt biten ki sa ou té prévwa ? Adapté-w é palé dè on biten ki ka entérésé moun-la ; pa chèché rété asi sa ou té prévwa palé.
VÈWSÉ ANPLIS
Ékl. 3:1, 7 ; 1 Kor. 9:22 ; 2 Kor. 2:17 ; Kol. 4:6
