LÈ OU KA KOUMANSÉ ON TI KOZÉ
Lik 19:1-7
LÈSON 6
Pran kouraj a-w a dé men
Prensip : ‘Bondyé an nou ban-nou kouraj pou anonsé-zòt bon nouvèl-la’ (1 Tés. 2:2).
Ègzanp a Jézi
1. Gadé VIDÉO-la oben li Lik 19:1-7. Aprésa réfléchi asi sé kèsyon-lasa :
Sa ègzanp a Jézi ka aprann-vou
2. Fò ou brav pou ou pé sa préché mésaj a Wayòm-la ba tout kalité moun.
Pou imité Jézi…
3. Fè fon asi Jéova. Jéova édé Jézi préché bon nouvèl-la èvè kouraj, grasa lèsprisen-la i ba-y la. Vou osi i pé ba-w fòs-la ou bizwen la, pou ou montré-w brav (Mat. 10:19, 20 ; Lik 4:18). Mandé Jéova ba-w kouraj pou ou pé sa préché ba tout kalité moun, menmsi adan yo ni moun ki ka fè-w pè (Akt 4:29).
4. Pa fè-w pon mové lidé asi moun-la. Dépawfwa sa ki ka frenné-nou, sé istil a moun-la, jan i ka viv oben rèlijyon a-y. Sé pé osi sitiyasyon a-y, ki i ka sanm on gwotchak ki i ka sanm on ti kyakya. Men pa oubliyé…
5. Montré-w brav, men anmenmditan aji èvè prékosyon é rèspé (Mat. 10:16). Pa rantré adan pon kalté déba. Si ou ka vwè moun-la pa entérésé oben i ka lévé cho, arété palé-la èvè jantiyès (Pwov. 17:14).
VÈWSÉ ANPLIS
Akt 4:31 ; Éféz. 6:19, 20 ; 2 Tim. 1:7
