LÈ OU KA VIRÉ PALÉ ÈVÈ ON MOUN
Jan 7:3-5; 1 Kor. 15:3, 4, 7
LÈSON 8
Montré-w pasyan
Prensip : « Lanmou ni pasyans » (1 Kor. 13:4).
Ègzanp a Jézi
1. Gadé VIDÉO-la oben li Jan 7:3-5 é 1 Korentyen 15:3, 4, 7. Aprésa réfléchi asi sé kèsyon-lasa :
Sa ègzanp a Jézi ka aprann-vou
2. Ni moun ki bizwen plis tan ki dòt pou aksèpté lavérité ; alò fò ou ni pasyans.
Pou imité Jézi…
3. Éséyé ondòt métòd. Si ou ka santi moun-la po’o paré pou koumansé on étid, pa fòsé-y. Dépi ou pé, montré-y on vidéo oben on awtik, ki ké édé-y konprann kijan on étid biblik ka pasé, é ki bon biten sa pé pòté ba-y.
4. Pa mèt toutmoun an menm sak-la. Chakmoun diféran. Si on moun an fanmi a-w oben on moun ou ka vizité vé pa étidyé Labib, oben i pa dakò èvè on vérité biblik, éséyé sav poukwa. Ès sé pas kwayans a-y enpòwtan ba-y ? Ès sé pas fanmi a-y oben vwazen a-y ka mèt bon présyon asi-y ? Pétèt sé tibwen tan i bizwen pou i réfléchi asi sa ou di-y anrapò èvè Labib.
5. Priyé ba moun-la. Mandé Jéova édé-w pa pèd èspwa é kontinyé ni rèspé pou moun-la. Priyé Jéova osi pou i édé-w vwè si moun-la vréman entérésé, oben si fò ou arété fè vizit-la (1 Kor. 9:26).
VÈWSÉ ANPLIS
Mawk 4:26-28 ; 1 Kor. 3:5-9 ; 2 Pyè 3:9
