Labib té ja anonsé sa ki ka fèt jòdijou. I té ka di moun té ké enmé lajan, yo pa té ké kouté fanmi a-yo, yo té ké enmé fè moun soufè pa èspré, yo té ké vin zanmi a plézi.

I té ké tini gwo tranmanndtè, lagè, moun ka mò fen, é maladi grav. Sé sa ki ka fèt konnyéla.

Ni ondòt biten Jézi té di : disip a-y té ké préché labònnouvèl asi Wayòm a Bondyé toupatou si latè (Matthieu 24:14).

Talè, Jéova ké détui tout sé méchan-la.

Jéova ké pini Satan é démon a-y.

Moun ki ka kouté Bondyé ké viv adan on mond nouvo, on mond ki ké plen jistis. Pé ké ni ayen pou fè yo pè ankò. Yonn ké fè lòt konfyans. Yonn ké enmé lòt.