3èm PATI
Kijan lavi té yé okoumansman ?
Jéova ba Adan é Èv enpé bon biten. Genèse 1:28
Jéova kréyé prèmyé madanm-la, Èv, é I mayé-y èvè Adan (Genèse 2:21, 22).
Jéova té ba-yo on entélijans é on kò pawfè, kivédi san pon défo.
Adan é Èv té ka rété adan on jaden. Non a-y sété Jadendédèn. I té bèl toubòlman. Té ni on gran rivyè adan-y é enpé pyébwa ka pòté fwi. Té ni zannimo osi.
Jéova té ka palé ba Adan é Èv ; I té ka aprann-yo tousa ki fo. Si yo té kouté, yo té ké viv pou touttan asi latè.
Bondyé défann Adan é Èv manjé fwi a on pyébwa. Genèse 2:16, 17
On zanj ba Bondyé do. Mové zanj-lasa, yo ka kriyé-y Satan, Dyab-la.
Jéova défann Adan é Èv manjé fwi a on pyébwa ki té an jaden-la. Si yo té manjé-y, yo té ké mò.
Satan pa té vlé Adan é Èv kouté Jéova. I sèvi èvè on sèpan pou di Èv : ‘Si ou manjé fwi-lasa, ou pé’é pon mò, ou ké vin kon Bondyé’. Douté-w byen, sé manti i té ka manti (Genèse 3:1-5).
Ay gadé sa osi...
ESSENTIAL BIBLE TEACHINGS
Poukwa Bondyé kréyé Latè ?
Planèt an nou sé on trézò. Distans ki tini ant Latè é Solèy, jan Latè kanté é vitès Latè ka touné alantou Solèy-la, sé méyè ki tini. Poukwa Bondyé fè tousa éfò pou i fè Latè ?
