LÈSON 1
Chwazi prèmyé pawòl a-w byen
Akt 17:22
SA POU-W FÈ : Dépi adan prèmyé pawòl a-w, ba sé moun-la anvi kouté-w, di-yo dè kibiten ou kay palé é montré-yo poukwa sa ou kay di enpòwtan pou yo.
KIJAN POU-W FÈ :
-
Ba sé moun-la anvi kouté sa ou kay di. Chwazi on biten ki ké entérésé-yo. Sé pé on kèsyon, on biten ki fèt poudèvré, on biten ki pasé sé jou-lasa oben ondòt biten ankò.
-
Di dè kibiten ou kay palé. Dépi adan prèmyé pawòl a-w, fè sé moun-la sav dè kibiten ou kay palé é ola ou vlé rivé èvè yo. Fò sa klè an lèspri a yo.
-
Montré poukwa sa ou kay di enpòwtan. Adan pawòl a-w, montré kè ou ka tchenn kont dè sa sé moun-la bizwen. Fò yo byen konprann kijan sijé-la pé édé-yo pèwsonèlman.
