Édé sé moun-la vwè yomenm sa yo yé vréman. Pozé kèsyon ki ké édé-yo konprann sa yo ka rèsanti.

Fè sòti sa ki bon adan sé moun-la. Édé-yo réfléchi asi sé rézon-la ki ka pousé-yo fè sa ki byen. Ankourajé-yo aji pou sé pli bèl rézon-la ki tini la, kivédi, lanmou pou Jéova, lanmou pou pwochen a yo é lanmou pou sa Labib ka anségné. Fè-yo rézonné. Pa fè-yo rèpwòch. Pa fè-yo santi yo koupab. Lè ou fin sijé a-w, fò yo santi yo ni plis fòs é fò yo anvi bay sa yo ni dè méyè.

Mèt Jéova douvan. Montré kijan ansègnman, prensip é komandman ki adan Bib-la, ka fè-nou vwè bèl kalité a Bondyé é lanmou i ni pou nou. Édé sé moun-la réfléchi asi sa Jéova ka rèsanti é ba-yo anvi fè-y plézi.