LÈSON 2
Palé konsi sé on ti kozé ou ka fè
2 Korentyen 2:17
SA POU-W FÈ : Palé natirèlman é on mannyè ki sensè pou montré sa ou ka rèsanti parapòt a sijé-la é ba sé moun-la ki ka kouté-w la.
KIJAN POU-W FÈ :
-
Priyé é préparé-w byen. Mandé Jéova édé-w konsantré-w asi mésaj-la pito ki asi istrès-la ou pé rèsanti la. Fò sé lidé prensipal la klè an lèspri a-w. Pa enki li sa ki maké asi on papyé. Èspliké sé lidé-la èvè mo a-w ki ta-w.
-
Palé èvè tchè a-w. Mandé-w poukwa sé moun-la ki kay kouté-w la bizwen tann mésaj-la. Pa oubliyé sé rézon-lasa. Konsa, sé moun-la ké vwè asi jan ou doubout, asi jès ou ka fè é asi figi a-w kè ou janti é kè ou sensè.
-
Gadé sé moun-la. Kontinyé gadé sé moun-la lè ou ka palé ba yo, men san jenné-yo. Lè ou ka fè on diskou, gadé sé moun-la yonn pa yonn, olyé ou gadé yotout anmenmtan.
