Chèché enfòwmasyon a-w on koté ki séryé. Apiyé sa ou ka di asi Pawòl a Bondyé, é lè sa posib, li dirèktèman adan Bib-la. Si ou ka sèvi èvè on enfòwmasyon ki ni on rapò èvè lasyans, on biten ki pasé sé jou-lasa, on biten on moun viv, oben ondòt biten ankò, vérifyé alavans kè enfòwmasyon-la vré é valab toujou.

Sèvi èvè sé enfòwmasyon-la byen. Lè ou ka èspliké on vèwsé, fò ou rété annakò èvè sa lézòt vèwsé a Labib ka di asi sijé-la, é sa piblikasyon a « èsklav fidèl é prévwayan la » ka di osi (Mat. 24:45). Lè ou ka sèvi èvè on enfòwmasyon ki pa sòti adan Bib-la oben adan piblikasyon an nou, fè atansyon pou pa tòd sans a enfòwmasyon-la é sa moun-la ki maké-y la té vlé di.

Itilizé sé enfòwmasyon-lasa pou fè moun réfléchi. Lè ou fin li on vèwsé oben on enfòwmasyon, pozé sé moun-la kèsyon san jenné-yo oben sèvi èvè on ègzanp pou édé-yo rivé la ou vlé rivé èvè yo la.