LÈSON 19
Èskè Témwen a Jéova sé disip a Jézikri ?
Témwen a Jéova sèten kè yo sé disip a Jézikri. Pou nou vwè poukwa, an-nou réponn a sé twa kèsyon-lasa : Ola sé Témwen a Jéova la ka pran tout kwayans a yo ? Poukwa non an nou sé Témwen a Jéova ? Kijan nou ka montré kè nou sé on fanmi é kè yonn enmé lòt ?
1. Ola sé Témwen a Jéova la ka pran tout kwayans a yo ?
Mi sa Jézi di : « Pawòl a Bondyé sé vérité » (Jan 17:17). Menmjan ki Jézi, tousa sé Témwen a Jéova la ka kwè sòti an Pawòl a Bondyé. Pa ègzanp, an-nou palé dè istwa a Témwen a Jéova, lèwvwè non a yo sé té ‘Étidyan a Labib’. Koté 1870, on gwoup-moun sanblé pou yo té étidyé Labib é pou yo té vwè ka i té ka anségné poubon. Yo té ka kwè a san pou san adan sa Labib té ka di, menmsi sa yo té ka touvé adan-y pa té menm biten ki sa sé moun-la té ka anségné adan sé légliz-la. É aprésa, yo koumansé palé dè sé vérité-la yo té touvé an Bib-la èvè dòt moun a.
2. Poukwa non an nou sé ‘Témwen a Jéova’ ?
Jéova ka di kè sèwvitè a-y sé « témwen » a-y, padavwa yo ka fè moun konnèt lavérité asi-y (Ébré 11:4 – 12:1). Pa ègzanp, mi sa Bondyé di pèp a-y ja ni lanné é lanné dè sa : « Zò sé témwen an mwen » (li Izayi 43:10). Adan Labib, yo ka kriyé Jézi « Témwen fidèl la » (Révélasyon 1:5). Sé pousa, an 1931, nou désidé kè non an nou sé ké Témwen a Jéova. A pa ti fyèw nou fyèw dè pòté non-lasa !
3. Jézi té ni onlo lanmou. Kijan Témwen a Jéova ka imité-y ?
Tèlman Jézi té enmé disip a-y, i té ka konsidéré-yo konsi sé té frè a-y (li Mawk 3:35). Menmjan-la, Témwen a Jéova sé on fanmi ki soudé é ki entèwnasyonal. Sé pousa yonn ka kriyé lòt frè é sè (Filémon 1, 2). Nou ka suiv komandman-lasa osi : « Fò-zòt enmé tout sé frè-la » (1 Pyè 2:17). Témwen a Jéova ka montré lanmou-lasa onlo mannyè diféran. Pa ègzanp, lè frè é sè an nou an difikilté, nou ka édé-yo kèlkèswa koté-la yo ka rété la.
AN-NOU FOUYÉ PI FON
An-nou palé dè istwa a Témwen a Jéova é an-nou vwè dòt prèv ki ka montré kè sé yo ki sé disip a Jézikri.
Kwayans a sé vré krétyen-la sòti an Bib-la é yo ka pran tan palé dè sé kwayans-lasa èvè dòt moun.
4. Tout kwayans an nou sòti adan Bib-la
Jéova té ja anonsé kè pannan sé dènyé jou-la nou té’é konprann sé vérité-la ki an Bib-la pibyen. Li Danyèl 12:4 é fè on ti kozé asi kèsyon-lasa :
-
Ni on biten sèwvitè a Bondyé té’é ni pou tann-é-konprann si yo té ka kontinyé étidyé Labib. Ki biten ésa ?
An-nou vwè kijan déotwa Étidyan a Labib fè pou yo té étidyé Pawòl a Bondyé. Non a yonn adan yo sé té Charles Russell. Gadé VIDÉO-la é fè on ti kozé asi kèsyon-la ki ka vin la.
-
Kijan Charles Russell é zanmi a-y té ka étidyé Labib ?
Ès ou té sav sa ?
Sa rivé-nou dè konstaté kè nou té mal konprann on vérité ki an Bib-la. Alò nou korijé sa ki té mérité korijé. Poukwa ? Menmjan jou ka wouvè piti-a-piti, sé menmjan-la osi Bondyé ka fè-nou konprann Pawòl a-y piti-a-piti (li Pwovèb 4:18). Labib pa’a chanjé. Sé pousa, lè nou ka konprann on vérité ki adan-y pibyen, nou ka mèt-nou daplon èvè-y.
5. Nou ka aji annakò èvè non an nou
Poukwa nou désidé kè non an nou sé ké Témwen a Jéova ? Gadé VIDÉO-la é fè on ti kozé asi sé kèsyon-la ki ka vin la.
-
Poukwa Témwen a Jéova, sé on non ki ka tonbé byen konm i fo ?
Poukwa Jéova chwazi sèwten moun pou sèvi-y Témwen ? Pou yo fè moun sav kè sé-y ki vré Dyé-la, é pou yo fè moun konnèt tout mansonj moun ka di asi-y. An-nou vwè 2 mansonj adan yo.
Onlo rèlijyon ka anségné kè Bondyé vlé nou sèvi èvè èstati oben imaj pou adoré-y. Li Lévitik 26:1 é fè on ti kozé asi kèsyon-lasa :
-
Ka Bondyé ka pansé dè sé idòl-la ?
Sèwten rèlijyon ka di kè Jézi sé Bondyé. Li Jan 20:17 é fè on ti kozé asi sé kèsyon-lasa :
-
Ès Jézi é Bondyé sé menm moun-la ?
-
Lè ou ka sonjé kè Jéova voyé Témwen a-y préché pou fè moun konnèt lavérité asi-y é asi Gason a-y, ka ou ka rèsanti ?
6. Yonn enmé lòt fò toubònman
Labib ka di kè fò sé krétyen-la soudé menmjan chak pawti a kò a on moun soudé yonn èvè lòt. Li 1 Korentyen 12:25, 26 é fè on ti kozé asi sé kèsyon-lasa :
-
Ka sé vré krétyen-la dwètèt fè lè frè é sè a yo ka soufè ?
-
Dapré sa ou ja òbsèwvé, kijan Témwen a Jéova ka montré kè yo enmé frè é sè a yo ?
Lèwvwè ni déotwa Témwen a Jéova ki ka soufè on koté si latè, tout sé rèstan Témwen la ka òwganizé-yo tousuit pou yo pé sa édé-yo. Pou ou vwè kijan sa ka fèt, gadé VIDÉO-la. Aprésa, fè on ti kozé asi kèsyon-la ki ka vin la.
-
Lè Témwen a Jéova ka pòté frè é sè a yo sèkou, kijan sa ka montré kè yonn enmé lòt fò toubònman ?
Sé lanmou ki ka pousé sé vré krétyen-la édé moun ki ka soufè.
MI SA MOUN KA DI : « Kijan zò pé di kè zò Témwen a Jéova alòskè zò po’o jen vwè Bondyé ? »
-
Dépi kitan Jéova ka di kè sèwvitè a-y sé Témwen a-y ?
ON TI RÉZIMÉ
Témwen a Jéova sé disip a Jézikri. Nou sé on fanmi entèwnasyonal, tout kwayans an nou sòti an Bib-la, é nou ka fè moun konnèt lavérité asi Jéova.
Ka ou woutyenn
-
Poukwa nou désidé kè non an nou sé ké Témwen a Jéova ?
-
Kijan nou ka montré kè yonn enmé lòt fò toubònman ?
-
Sèlon vou, ès Témwen a Jéova sé dé vré krétyen ?
AY GADÉ SA OSI
Mi on vidéo ki ké pèwmèt-vou konnèt istwa a Témwen a Jéova.
Les Témoins de Jéhovah. La foi en action, 1re partie : La sortie des ténèbres (1:00:53)
Mi on ègzanp ki ka montré kijan Témwen a Jéova fè moun konnèt on mansonj yo té ka di asi Bondyé.
Pétèt ou ka pozé-w onlo kèsyon asi Témwen a Jéova. Mi sé répons-la.
« Kèsyon onlo moun ka pozé-yo asi sé Témwen a Jéova la » (on paj a jw.org)
Stephen fè sèwten moun bon atwosité pas i té hay-yo. Gadé kijan i chanjé lè i pran tan òbsèwvé Témwen a Jéova.
« Ma vie allait de plus en plus mal » (Tou dè Gad a 1é juiyé 2015 an fransé)
a Dépi 1879, sèwvitè a Jéova ka pibliyé on jounal non a-y sé Tou dè Gad la. Jounal-lasa ka èspliké sa ki maké adan Labib.
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
