Ka ki pé rann vi a on fanmi bèl ?
Sèlon vou, sé...
-
lanmou.
-
lajan.
-
on dòt biten.
MI SA LABIB KA DI
« Tchè-kontan [...] pou moun ki ka tann pawòl a Bondyé é ki ka mété-y an pratik ! » (Luc 11:28, Traduction du monde nouveau).
KA SA VLÉ DI POU-W
Lè on fanmi ka suiv konsèy-lasa, ti ni :
on lanmou véritab (Éphésiens 5:28, 29),
rèspé (Éphésiens 5:33),
konfyans (Marc 10:6-9).
ÈS NOU PÉ KWÈ SA LABIB KA DI ?
Wi, pou omwen dé rézon :
-
Sé Bondyé ki kréyé lafanmi. Labib ka di « tout fanmi [...] ni on non » grasa Jéova Dyé (Éphésiens 3:14, 15). Sa vlé di, si fanmi ka ègzisté sé paskè sé Jéova ki kréyé-y. Poukwa sa enpòwtan kè ou konnèt sa ?
Imajiné : Ou ka manjé on bon ti manjé é ou anvi sav kijan i fèt. Kimoun ou ké ay vwè ? Sèten sé moun-la ki préparé-y-la ou ké ay mandé sa.
Sé menm biten, si ou vlé konnèt ka ki ka ba on fanmi lakontantman, méyè biten ki ni a fè, sé mandé Jéova, Kréyatè a lafanmi (Genèse 2:18-24).
-
Bondyé ka sousyé-y dè zòt. Sa bon lè vou é tout fanmi a-w ka chèché konsèy Jéova ka bay an Pawòl a-y, Labib. Poukwa ? « Paskè i ka sousyé-y dè zòt » (1 Pierre 5:6, 7). Jéova vlé sa ki bon pou zòt é konsèy a-y toujou itil ! (Proverbes 3:5, 6 ; Isaïe 48:17, 18).
RÉFLÉCHI SI SA
Ka pou-w fè pou-w sé on bon mari, on bon madanm, on bon papa oben on bon manman ?
Labib ka réponn kèsyon-lasa adan ÉPHÉSIENS 5:1, 2 é adan COLOSSIENS 3:18-21.