Ès on jou moun-mò ké wouviv ?
Sèlon vou...
-
wi.
-
non.
-
pétèt.
MI SA LABIB KA DI
« Ké ni on rézirèksyon » (Actes 24:15, Traduction du monde nouveau).
KA SA VLÉ DI POU-W
Pwomès-lasa ka :
konsolé-w lè ou pèd on moun ou té enmé (2 Corinthiens 1:3, 4),
fè kè ou pa pè lanmò ankò (Hébreux 2:15),
ba-w lèspwa vwè moun ou té enmé wouviv (Jean 5:28, 29).
ÈS NOU PÉ KWÈ SA LABIB KA DI ?
Wi, pou omwen twa rézon :
-
Bondyé sé Kréyatè a lavi. Labib ka di Jéova Dyé sé « sous a lavi » (Psaume 36:9 ; Actes 17:24, 25). Asiré pa pétèt, sila ki ba nonm é zannimo lavi kapab wouba on moun-mò lavi.
-
Bondyé ja ni lokazyon résisité moun-mò. Labib ka èspliké kijan 8 moun ki té mò résisité pou yo kontinyé viv asi latè (jennmoun, granmoun, madanm, misyé oben timoun). Ni sa ki té sòti mò, men ni ondòt, sa té ja ka fè 4 jou i té adan on kavo ! (Jean 11:39-44).
-
Bondyé présé rikoumansé. Jéova hay lanmò ; pou-y sé on lènmi (1 Corinthiens 15:26). A pa ti anvi i anvi fin bat èvè lènmi-lasa. Grasa larézirèksyon, i ké fè lanmò disparèt. I ja bizwen lévé moun ki an mémwa a-y, pou i fè yo wouviv asi latè (Job 14:14, 15).
RÉFLÉCHI SI SA
Poukisa nou ka vyéyi é nou ka mò ?
Labib ka réponn kèsyon-lasa adan GENÈSE 3:17-19 é adan ROMAINS 5:12.
Ay gadé sa osi...
ESSENTIAL BIBLE TEACHINGS
Ka i ni apré lanmò ?
Adan Labib, Bondyé ka pwomèt kè onlo moun ké résisité, ègzaktèman kon sa fèt an ka a Laza.
KIMOUN NOU YÉ ?
Étidyé Labib, poukisa ?
Grasa Labib, toupatou asi latè, plizyè milyon moun ja touvé répons a dé kèsyon enpòwtan yo té ka pozé-yo asi lavi. Èskè vou osi ou té’é vlé ni sé répons-la ?
SA LABIB KA APRANN-VOU
Éséyé nouvo métòd an nou pou étidyé Labib
Bénéfisyé dè on lèson biblik san péyé èvè on Témwen a Jéova.
