Ka Wayòm a Bondyé yé ?
Sèlon vou, sé...
-
on biten nou ni andidan kè an nou.
-
on mond pawfé.
-
on gouvènman ki an syèl-la.
MI SA LABIB KA DI
« Bondyé-la ki an syèl-la ké mèt an plas on Wayòm ki pé ké jen détui » (Daniel 2:44, Traduction du monde nouveau).
« Bondyé ban nou gason a-y, é gouvènman-la ké asi zépòl a-y » (Isaïe 9:6).
KA SA VLÉ DI POU-W
Grasa pwomès-lasa ou pé sèten :
-
ni on gouvènman ki onèt, ki bon é ki pé prokiré-w onlo bénédisyon dépi alè (Isaïe 48:17, 18).
-
ou ké ni lasanté èvè lakontantman, talè, adan on mond nouvo (Révélation 21:3, 4).
ÈS NOU PÉ KWÈ SA LABIB KA DI ?
Wi, pou omwen dé rézon :
-
Jézi montré sa Wayòm a Bondyé ké fè. Jézi aprann disip a-y priyé pou Wayòm a Bondyé vin é pou volonté a Bondyé fèt si latè (Matthieu 6:9, 10). I montré kijan priyè-lasa ké réyalizé.
Lè i té si tè, Jézi ba moun ki té ka mò fen manjé, i géri moun-malad, é i résisité moun-mò ! (Matthieu 15:29-38 ; Jean 11:38-44). Avan menm Jézi dirijé Wayòm a Bondyé, i té ja bay on bèl lidé asi bénédisyon Wayòm-lasa ké pòté ba lézòm (Révélation 11:15).
-
Tousa ki ka pasé toupatou si latè sé on prèv Wayòm a Bondyé toupré vin. Jézi té anonsé kè, jis avan Wayòm a Bondyé mèt lapé si latè, té ké ni lagè, tranmanndtè é moun ka mò fen (Matthieu 24:3, 7).
Sé sa nou ka vwè jòdila. Asiré pa pétèt, Wayòm a Bondyé ké vin talè pou i woté tout sé pwoblèm-lasa.
RÉFLÉCHI SI SA
Kijan lavi ké yé anba Wayòm a Bondyé ?
Labib ka réponn kèsyon-lasa adan PSAUME 37:29 é adan ISAÏE 65:21-23.
Ay gadé sa osi...
ESSENTIAL BIBLE TEACHINGS
Ka Wayòm a Bondyé yé ?
Lè i té asi latè, Jézi palé dè Wayòm a Bondyé pliski dè pon dòt biten. Ni plizyè syèk disip a-y ka priyé pou Wayòm-lasa vini.
TOU DÈ GAD LA
Ka wayòm a Bondyé ké fè ?
Jézi té sav kè sèl gouvènman ki kapab réglé pwoblèm a limanité, sé wayòm a Bondyé. Nou sèten dè sa, grasa tousa Wayòm-la ja akonpli. Ka i ja akonpli ?
KIMOUN NOU YÉ ?
Étidyé Labib, poukisa ?
Grasa Labib, toupatou asi latè, plizyè milyon moun ja touvé répons a dé kèsyon enpòwtan yo té ka pozé-yo asi lavi. Èskè vou osi ou té’é vlé ni sé répons-la ?
SA LABIB KA APRANN-VOU
Éséyé nouvo métòd an nou pou étidyé Labib
Bénéfisyé dè on lèson biblik san péyé èvè on Témwen a Jéova.
