Nou ka di-w mèsi. Mèsi, pas ou pran tan ègzaminé bwochi-lasa pou-w pé sa konnèt-nou pli byen, konnèt aktivité an nou, é vwè kijan òwganizasyon an nou ka travay. Nou ka èspéré kè bwochi-lasa édé-w konprann kè sé Témwen a Jéova ki ka fè volonté a Jéova. Nou ka ankourajé-w kontinyé aprann konnèt Bondyé, palé fanmi a-w é zanmi a-w dè sa ou ka aprann, é pran labitid ay an réinyon èvè nou (Ébré 10:23-25).

Pli ou ké aprann asi Jéova, pli ou ké konstaté kè i enmé-w toubòlman. Alò sa ké ba-w anvi fè tou sa ou pé pou montré kè vou osi ou enmé-y (1 Jan 4:8-10, 19). Men kijan, chak jou, ou ké montré kè sé samenm ou anvi fè ? Poukwa sa bon pou-w dè suiv prensip a Bondyé anrapò èvè sa ki byen é sa ki mal ? Ka ki ké ba-w anvi fè volonté a Bondyé ansanm èvè nou ? Moun-la ki ka étidyé Labib èvè-w la ké kontan édé-w réponn a sé kèsyon-lasa, pou vou é fanmi a-w « rété adan lanmou a Bondyé [...] pou lavi étèwnèl » (Jid 21).