O prèmyé syèk, « lézapòt é lézansyen ki té a Jérizalèm » té ka fòwmé sa yo ka kriyé on komité (kivédi on piti gwoup) santral. Sé té on komité « santral » pas yo té ka pran dé désizyon enpòwtan adan entéré a tout krétyen-wen ki té ni an tan-lasa (Akt 15:2). Avan yo té pran on désizyon, a chakfwa, yo té ka pran tan ègzaminé lézékriti é yo té ka lésé lèspri sen a Bondyé gidé-yo (Akt 15:25). Jòdijou, sé konsa Komité santral la ka fonksyonné.

Bondyé ka itilizé Komité santral la pou fè volonté a-y. Chak krétyen-wen ki an Komité santral la vréman enmé étidyé Pawòl a Bondyé. Piskè yo ni onlo èkspéryans, yo sav kijan pou yo jéré kèsyon èspirityèl é matéryèl. Chak simenn, yo ka réini pou palé dè sa frè é sè a yo bizwen é pou vwè kijan yo pé édé-yo, kèlkèswa la yo yé asi latè. Kon o prèmyé syèk, yo ka ban-nou enstriksyon ki bazé si Labib. Pou sa, swa yo ka voyé on lèt ban nou, swa yo ka pasé pa on moun ki ka rèprézanté-yo, kon pa ègzanp on sèwvitè ki ka vizité sé kongrégasyon-la. Sa ka édé pèp a Bondyé ni menm mantalité-la é aji ansanm (Akt 16:4, 5). Komité santral la ka okipé dè préparasyon a nouriti èspirityèl la, i ka ba prédikasyon-la on bèl balan é sé li osi ki ka ba sèwten frè otorité pou yo ba dòt frè rèsponsabilité adan òwganizasyon-la.

I ka lésé lèspri a Bondyé gidé-y. Komité santral la ka chèché dirèksyon a Jéova, Gran Mèt a linivè, é dirèksyon a Jézikri, ki sé chèf a kongrégasyon-la (1 Korentyen 11:3 ; Éfézyen 5:23). Moun ki an Komité santral la pa ka konsidéré kè yo sé chèf a pèp a Bondyé. Ansanm èvè tout sélézòt krétyen-wen la, yo ka « kontinyé suiv Ti mouton-la [Jézi] kèlkèswa la i kay » (Révélasyon 14:4). Komité santral la ka aprésyé lè nou ka priyé ba-y.

• O prèmyé syèk, kimoun ki té adan Komité santral la ?

• Jòdijou, kijan Komité santral la ka chèché dirèksyon a Bondyé ?