Témwen a Jéova ka pwopozé on métòd ki éfikas pou aprann sa Labib ka anségné. Sé lèson biblik la pé édé-w :

•   ni tchè-kontan adan vi a-w

•   vin zanmi a Bondyé

•   konnèt sa Labib ka pwomèt pou dèmen

Adan awtik-lasa, ou ké vwè :

•  On lèson biblik : kijan sa ka pasé ?

•  Ès fò-mwen péyé sé lèson-la ?

•  Konmen tan sa ké pran pou étidyé tout sé lèson-la ?

•  Kijan an pé enskri-mwen pou sé lèson-la ?

•  Ès an pé fè on ti tès pou vwè kijan sa ka pasé avan an aksèpté suiv tout sé lèson-la ?

•  Si an koumansé étidyé Labib, ès yo ké fòsé-mwen vin Témwen a Jéova ?

•  Ès an pé sèvi èvè pwòp Bib an mwen ?

•  Ès an pé envité dòt moun suiv sé lèson-la èvè mwen ?

•  Si an ja ni lokazyon étidyé èvè Témwen a Jéova, ès an pé woupran on lèson biblik ?

•  Si an vé étidyé Labib tousèl an mwen, ka zò ka pwopozé ?

 Ou pé ni pwòp anségnan a-w é zò ké pé étidyé Labib ansanm tèm pa tèm. Métòd-lasa ké pèwmèt-vou sèvi plibyen èvè Bib-la. Étid biblik a-w ké menné dé bèl ti kozé èvè anségnan a-w é pou sa zò ké sèvi èvè liv-la Ou pé ni tchè-kontan pou touttan !. Piti-a-piti, ou ké aprann sa Labib ka anségné é ou ké vwè kijan i pé édé-w. Si ou vlé sav plis biten asi sa, ou pé gadé vidéo-lasa.

 Non. Témwen a Jéova ka suiv lòd-la Jézi ba disip a-y la : « Yo ba-zòt pou ayen, fò zò bay pou ayen » (Matyé 10:8). Anplisdisa, ou ké pé risivwè tousa ou bizwen pou sé lèson-la, kon on Bib é on piblikasyon ki ni pou tèm Ou pé ni tchè-kontan pou touttan ! san péyé ayen.

 Ni 60 lèson antout. Sé-w ki ka désidé konmen fwa ou ké fè étid-la an simenn-la. An jénéral, sé étidyan-la byen enmé fè on lèson chak simenn.

1.  1. Ranpli on dèmann asi jw.org. Nou ké sèvi èvè enfòwmasyon pèwsonèl a-w yenki pou on Témwen a Jéova pran kontak èvè-w.

2.  2. On anségnan a Labib ké pran kontak èvè-w. I ké ba-w on ti lidé asi kijan étid biblik la ké déwoulé é i ké réponn a tout kèsyon ou ka pozé-w.

3.  3. Ou ké pé pran mo èvè anségnan a-w. Sé lèson-la pé fèt akaz a-w oben ondòt koté, pa téléfòn, pa apèl vidéo, pa lèt oben pa mèl. An jénéral, on lèson ka diré inèdtan, men i pé swa pli kout swa pli long. Sa ké dépann dè tan-la ou ni la.

 Wi. Ou pé ranpli on dèmann asi Entèwnèt. Lèwvwè on anségnan ké pran kontak èvè-w, di-y kè ou té’é enmé fè on ti tès pou vwè kijan sa ka pasé avan, pou sav si sa ké plè-w. Pou-w pé sa pran gou a étid-la, ou ké pé sèvi èvè bwochi-la Ou pé ni tchè-kontan pou touttan !. Adan-y, ou ké touvé sé twa prèmyé lèson-la.

 Non. Nou byen enmé étidyé Labib èvè moun, men nou pa jen ka fòsé ponmoun vin Témwen a Jéova. Nou ka montré moun sa Labib ka anségné é nou ka fè sa èvè onlo rèspé. Pou nou, sé chak moun ka désidé sa yo anvi kwè (1 Pyè 3:15).

 Wi. Ou pé sèvi èvè Bib-la ou vlé la. Menmsi nou byen enmé sèvi èvè Tradiksyon a nouvo mond-la paskè i senp é kè i ègzak, nou ka konprann kè on moun pé byen enmé sèvi èvè on Bib i abityé èvè-y.

 Wi. Ou pé envité moun an fanmi a-w é zanmi a-w.

 Wi. Dayè, sèten ou ké aprésyé nouvo pwogram an nou, pas i ka réponn pibyen a sa sé moun-la bizwen jòdijou. I pi entérésan ki sa nou té ka pwopozé avan é i ka mété-w alèz a-w pou-w pé sa diskité pli fasilman èvè anségnan a-w.

 Menmsi lamajorité a sé étidyan-la ka aprann pli vit lèwvwè yo ka étidyé èvè on anségnan, dòt pisimé fè-y tousèl a yo. Adan ribrik-la « Zouti pou étidyé Labib », ou ké touvé déotwa zouti ki gratui é ki fèt pou édé-w fouyé pi fon adan Bib a-w :

•   Sa Labib ka anségné. Sé awtik-lasa ka ba-w prensip biblik ki pé itil pou vi a touléjou a-w. Pa ègzanp, « Comment gérer le stress », « Comment vivre avec moins », « Comment éduquer votre enfant ».

•   Vidéo asi Labib : ansègnman enpòwtan ki an Bib-la. Vidéo ki fèt pou étidyé é ki toukout ka réponn a kèsyon enpòwtan asi Labib.

•   Kèsyon asi Labib. Sé awtik-lasa ka réponn a onlo kèsyon asi Labib.

•   Ka sé vèwsé-lasa vlé di. Ou ké pé dékouvè ka sèwten vèwsé oben ka sèwten èsprésyon ou ka touvé an Bib-la é kè toutmoun konnèt vlé di.