Mémoryal a mò a Jézi
Sanmdi 12 avril 2025
Chak lanné, Témwen a Jéova ka konmémoré mò a Jézi. Yo ka fè sa Jézi limenm a-y mandé. I di : « Kontinyé fè sa pou zòt sonjé-mwen » (Lik 22:19).
Nou ka envité-w adan évènman-lasa.
Kèsyon onlo moun ka pozé-yo
Konmen tan pwogram-la ka diré ?
Pwogram-la ké diré apépré inè-d-tan.
Ola Mémoryal-la ké fèt ?
Pran kontak èvè on Témwen a Jéova pou sav kijan sa ké pasé la ou ka rété la.
Ès fò ou péyé pou vin Mémoryal ?
Non.
Ès ké ni lakèt ?
Non.
Ès ni on modèl lenj pou mété ?
Menmsi pa ni on modèl lenj pou mèt èsprézéman pou évènman-lasa, Témwen a Jéova ka fè éfò pou suiv konsèy Labib ka bay anrapò èvè jan pou on moun abiyé. Sé pousa yo ka mèt on bon lenj asi yo pou montré kè yo ka rèspèkté évènman-la yo k’ay sélébré la (1 Timoté 2:9). Lenj a-w pa oblijé ka kouté chè é ou pa oblijé sapé-w twòp nonplis.
Kijan nou ka sélébré Mémoryal-la ?
Pwogram-la ka koumansé é ka fin èvè on kantik é on priyè. Sé on rèprézantan a lasanblé a Témwen a Jéova ki ka fè sé priyè-lasa. On diskou bazé asi Labib ka èspliké-nou poukwa sakrifis a Jézi sé on biten ki enpòwtan. I ka èspliké-nou osi ki bon biten nou ka bénéfisyé grasa jès-la Jéova é Jézi fè pou nou la.
Si ou vlé konnèt plis biten asi sa, gadé awtik-la « Poukwa Témwen a Jéova pa’a sélébré Rèpa a Ségnè la menmjan ki sélézòt rèlijyon-la ? »
Kitan sé pwochen Mémoryal-la ké fèt ?
2025 : sanmdi 12 avril
2026 : jédi 2 avril
Ay gadé sa osi...
MÉMORYAL
Pou sonjé Jézi é sakrifis a-y
Nou té ké kontan toubòlman si ou té ka vin sélébré évènman enpòwtan-lasa èvè nou. Ou ké dékouvè tousa vi a Jézi é tousa mò a-y osi pé pòté dè bon ba-w.
ESSENTIAL BIBLE TEACHINGS
Poukwa Jézi mò ?
Pétèt ou ja tann moun di kè i mò pou péché an nou. Men ès onsèl sakrifis té’é pé vréman sèvi pou milyon é milyon moun ?