Annan monn-an, i toujou gen plis lagèr, é sa ka mennen patché malò ké soufrans. A sa sa rapòr-ya ka montré :

•    « Jòdla, lò nou ka gadé konmyen moun ki mouri akoz di lagèr, nou ka wè ki sa ka fè 28 lannen i pa té gen sa kantité moun ki mouri akoz di lagèr. É a konsa èspésyalman akoz di lagèr ki pété an Étchopi, épi an Ikrenn osi. » (Institut de recherche sur la paix à Oslo, 7 juin 2023).

•    « Annan tout problèm i té gen asou latè-a lannen ki fin pasé-a, a pa lagèr an Ikrenn rounso ki divini mové menm konsa. Mé pannan lannen 2022, vyolans i té gen akoz di problèm politik divini pi bokou, sa ka réprézanté 27%. É i gen apéprè 1 milyar sèt san mil moun ki pran fè annan sa » (Armed Conflict Location & Event Data Project (ACLED), 8 février 2023).

 Labib-a ka bay nou roun èspwar. I ka di ki « Bondjé-a ki annan syèl-a ké mété roun rwayonm ki pa ké janmen détrwi » (Daniel 2:44). Gras a sa rwayonm-an (sa lé di sa gouvèrnman-an), Bondjé ké « fè lagèr-ya fini nèt asou tout latè-a » (Psaume 46:9).