« Toupatou asou latè-a, gro problèm nou ka jwenn akoz di sa yé ka aplé « dérèglement climatique » ka malmennen roun patché moun ké tout ròt bagaj ki vivan. Akoz di sa, tout koté asou latè-a, ouragan-yan ka vin plizanpli mové, yé ka krazé roun patché kaz ké tousa moun-yan gen annan yé bati. Kou dlo lanmè-a ka vin plizanpli cho, bokou plant ké zannimo ki ka viv annan l’ ka riské mouri titalò. (Inger Andersen, sous-secrétaire général des Nations unies et directrice exécutive du Programme des Nations unies pour l’environnement, 25 juillet 2023).

 Ès gouvèrnman-yan ké pouvé mété yé kò ansanm pou ranjé sa problèm-yan nou ka jwenn toupatou asou latè-a ? Ès yé pouvé fè roun bagaj pou fin ké sa nèt ?

 Labib-a ka palé di roun gouvèrnman ki pouvé réglé problèm lanvirònman, é ki ké fè l’. I ka di ki « Bondjé-a ki annan syèl-a ké mété roun rwayonm », roun gouvèrnman pou okipé di tousa ki ka pasé asou latè-a (Daniel 2:44). Gras a sa gouvèrnman-an, moun-yan « pa ké fè [yé konpanyen] pyès méchansté ni pyès ravaj » (Isaïe 11:9).