Jòdla, pou bokou moun toupatou asou latè-a, sa rèd toubonnman di ganyen asé soumaké pou achté sa yé bézwen pou viv. É pi sa k’alé, pi sa ka divini rèd.

•   Dapré roun rapòr a ki fèt i pa gen lontan parapòrta sa ki ka pasé asou latè-a, « soumaké moun-yan ka ganyen chak mwa bésé rounsèl kou ». Sa rapòr-a ka fè moun-yan savé ki, si pyès moun pa ka fè anyen pou sa, titalò i ké gen « plis diférans ankò ant sa ki rich ké sa ki maléré ». I ka di osi ki « bokou fanmi ké ganyen mwens soumaké ki anvan ».

 Ès gouvèrnman-yan ké pouvé fini ké problèm soumaké ki ka vin plizanpli mové, ouben menm fè sitiasyon-an vin miyò ?

 Labib-a ka palé di roun gouvèrnman ki pouvé ranjé problèm soumaké, parèkzanp diférans i gen ant sa ki rich ké sa ki maléré. É i ka di ki sa gouvèrnman-an byen désidé fè sa ! I ka di ki « Bondjé-a ki annan syèl-a ké mété roun rwayonm », rounsèl gouvèrnman, pou okipé di tousa ki ka pasé asou latè-a (Daniel 2:44). Gras a sa gouvèrnman-an ki ké dirijé tout latè-a, pyès moun pa ké rété asou koté (Psaume 9:18). Rwayonm Bondjé-a ké fè sa ki fo pou chak moun gen sa i bézwen pou so tchò kontan. Tout moun ké profité di sa yé travay ké bay (Isaïe 65:21, 22).