Roun frè ké so madanm ki ka li istwè lavi frè ké sò-ya chak maten di : « Sa istwè-ya ka ankourajé nou bokou é sa ka fè nou tchò kontan ! Sa ka fè nou sonjé ki nou menm osi nou pouvé rété fidèl kèlkéswa sa ki pouvé rivé nou. » Men sa roun sò ki ka pansé kou yé ékri : « Sa istwè-ya ka touché mo bokou é yé ka konsolé mo. Lavi nou frè gen roun sans. Yé istwè ka pousé mo fè plis annan travay prédikasyon-an, é mo ka sèrvi yé istwè pou ankourajé mo timoun pou yé pran sèrvis a plen tan-an. »

Istwè lavi nou frè ké sò-ya pouvé bay to fòrs to bézwen pou to éséyé fè plis pou Jéova, pou to pa rété asou défo to gen é pou to rivé tchenbé ké lajwa san to ronté lò to annan roun éprèv ki rèd. Ki koté to pouvé trapé sa istwè-ya ?

• Asou jw.org ouben annan JW Library, gadé parti « Biographies de Témoins de Jéhovah ».

• Alé annan BIBLIYOTÈK ANLÈ SIT-A Watchtower ouben asou Watchtower Library annan ti karé-a yé mété laro pou chaché roun bagaj épi marké « Biographies de Témoins de Jéhovah ».