Ès zòt byen li chak Tourdégard sa lannen-an ? Annou wè si zòt ké rivé trapé répons asou sa késyon-yan :

Kouman nou divèt aji ké sé wen-yan ?

Nou kontan wè yé lafwa ; mé nou pa ka bay yé plis valò pasé sa nou divèt. Nou pa ka ‘admiré moun’ (Jude 16, nòt.) Nou pa ka pozé yé pyès késyon ki pa ka gadé nou asou yé èspérans (w20.01-F, p. 29).

Kisa ki divèt fè to sir ki Jéova byen konnèt to ?

Labib-a ka montré nou ki anvan menm to fèt, i té ja konnèt to. I ka tandé to lapriyè. I konnèt sa to ka pansé ké sa to gen annan to tchò, é tout bèl bagaj to ka fè ka bay li tchò kontan (1 Chron. 28:9; Prov. 27:11). É i fè to vini òbò li (w20.02-F, p. 12).

Kitan nou divèt palé é kitan nou divèt fronmen nou bouch ?

Nou ka palé di Jéova ké tchò kontan. Nou ka louvri nou bouch lò nou ka wè roun moun ka pran roun mové chimen. Ansyen-yan ka louvri yé bouch lò yé ka wè yé bézwen bay roun moun roun konsèy. Nou pa ka louvri nou bouch pou doumandé (ouben pou bay) moun-yan détay asou travay nou ka fè koté nou pa pouvé préché kou nou lé. Nou pa ka fè moun konnèt sa yé pa bézwen savé (w20.03-F, p. 20-21).

Joël chapit 2 ké Révélation chapit 9 ka palé nou di krikèt. Ki diférans i gen ant sa dé ran krikèt-ya ?

Joël 2:20-29 ka di ki Bondjé ka fè krikèt-ya chapé é i ka promèt i ké réparé tout déga yé fè. Apré sa, Bondjé ka bay moun so lèspri sen. Sa profési-a fèt lò Babilòn ataké Israyèl é pita osi. Révélation 9:1-11 ka palé di wen-yan ki kou dé krikèt annan dèrnyé jou-ya é ki ka fè konnèt jijman Bondjé asou sa monn méchan-an, é sa ka déranjé sa ki kontan sa monn-an (w20.04-F, p. 3-6).

A kimoun ki rwa di Nòr-a jòdla ?

Larisi ké tout so asosyé. Yé toujou ka fè pèp Bondjé-a roun bagaj : yé défann yé préché é sa yé ka fè ka montré ki yé rayi Témwen-yan. Rwa di Nòr-a ka briga ké Rwa di Sid-a (w20.05-F, p. 13).

Galates 5:22, 23 ka palé di plizyèr kalité. Ès a sa kalité-ya rounso ki annan « frwi lèspri-a » ?

Non. Lèspri sen ka idé nou gen plizyèr kalité, kou lajistis (Eph. 5:8, 9) (w20.06-F, p. 17).

Poukisa nou divèt panga lò nou ka mété bagaj asou nou menm asou Entèrnèt ?

Sa bagaj-ya pouvé fè nou sanblé roun moun ki ka krè so kò é ki pa gen imilité (w20.07-F, p. 6-7).

Kisa nou pouvé anprann di péchèr-ya ?

Yé k’alé lapèch lò yé gen plis chans trapé poson é yé ka fè l’ koté poson-an fika. Yé gen bon zouti é yé byen konnèt sèrvi yé. Yé gen kouraj lò yé ka travay menm anba mové tan. Nou pouvé fè kou yé lò nou ka préché (w20.09, p. 5).

Kouman to pouvé idé roun moun ki ka étidyé Labib-a fè so lanmou pou Bondjé vin pi fò ?

Nou pouvé ankourajé l’ li Labib-a touléjou é réfléchi asou sa i ka li. Anplis di sa nou pouvé anprann li priyè (w20.11, p. 4).

Di kimoun Pòl té ka palé lò i di : « Gras a Kris, tout moun ké gen lavi-a ankò » ? (1 Cor. 15:22).

Pòl pa té ka di ki tout moun té ké résisité. I té ka palé di wen-yan, ki « sanktifyé kou Jézi Kris » (1 Cor. 1:2; 15:18) (w20.12, p. 5-6).

Kisa wen-yan ké fè lò yé ké ‘chanjé rounsèl kou’ ? (1 Cor. 15:51-53).

Òbò Kris yé ké mennen nasyon-yan ké roun baton an fè (Rev. 2:26, 27) w20.12, p. 12-13.