Annan parti « Nouveautés » asou JW Library ké « Nouvoté-ya » asou jw.org, to ké trapé sa ki fin soti. Kouman to pouvé sèrvi sa parti-a pou to toujou wè dèrnyé bagaj-a ki soti ?

• Lò roun artik ka soti, parti koté i fika ka chanjé. Donk, lò roun parti ka parèt annan « Nouveautés », télécharjé dèrnyé vèrsyon sa parti-a. Konsa, to ké pouvé li dèrnyé artik-a ki ké parèt an prémyé annan lis-a (artik-ya ranjé soulon dat yé soti).

• Sèrten piblikasyon, kou journal-ya, pi long pou li ; a pa tout tan to pouvé li tout rounsèl kou. Pou to sonjé ki to pòkò fini li roun bagaj, to pouvé mété l’ annan « Favoris » ; to ké pouvé tiré l’ annan « Favoris » lò to ké fini.

I gen roun ran artik, kou sèrten nouvèl ouben enfòrmasyon, ki ka parèt sèlman asou jw.org ; yé pa annan JW Library. Pa bliyé alé annan parti « Nouvoté-ya » asou nou sit pou to trapé artik-ya ki fin soti.