Pou idé to étidyé
Ès to ka sèrvi Guide de recherche pour les Témoins de Jéhovah pou konprann roun vèrsé pi byen ?
Annan Guide de recherche-a, yé ka èspliké plizyèr vèrsé é sa pouvé idé to fouyé annan Labib-a. Sa èsplikasyon-yan pouvé idé to osi gen plis détay asou sa ki té ka pasé annan lépòk yé ékri roun vèrsé, asou kisa roun mo lé di, asou poukisa yé ékri l’ ouben pou kimoun.
Lò to ka pran roun vèrsé annan BIBLIOTHÈQUE EN LIGNE Watchtower ouben annan JW Library®, to pouvé jwenn dirèktéman tout piblikasyon-yan ki annan Guide de recherche-a pou sa vèrsé-a. Sa piblikasyon-yan ké louvri annan parti « Étude » pou nenpòrt ki Labib to ka sèrvi asou sit-a ouben annan aplikasyon-an.
Byen gadé dat piblikasyon-yan to ké jwenn. Lis-a ka koumansé ké dèrnyé artik-ya ki soti é anba, to ka jwenn artik ki soti i gen lontan. Mé kou sa artik-ya pi vyé pitèt i gen enfòrmasyon nou korijé apré sa.
Annan BIBLIOTHÈQUE EN LIGNE Watchtower-a, to ka jwenn Guide de recherche-a san to pa bézwen fè anyen.
Parkont, asou JW Library, a pou to enstalé l’ é a pou to télécharjé tout chanjman ki ka fèt piti piti. To pouvé fè sa ké bouton-an ki laro parti « Étude » pou chak chapit annan Labib-a.
