Roun jou, roun sò ki ka rété Nouvèl Zélann, gadé roun vidéyo asou jw.org ki ka èspliké ki Jéova gen konpasyon, mé sa konpasyon-an ka pousé l’ aji osi (Is. 63:7-9). I désidé apliké sa i té anprann, i chaché idé ròt-ya. Pita, sa menm jou-a, toupannan i té ka fè komisyon, i kontré ké roun madanm ki té ka dronmi a lari é i propozé achté manjé pou li. Madanm-an asèpté. Lò sò-a rouvin ké manjé-a, i bay li roun ti témwanyaj ké dépliyan-an Ès sé soufrans-ya ké fini roun jou ?

Madanm-an koumansé pléré. I èspliké ki so papa ké so manman té Témwen Jéova, mé ki sa té ka fè roun patché lannen i té lésé lavérité-a. Mé i pa gen lontan, i té roukoumansé priyè Jéova pou i idé l’ rouvini òbò li. Sò-a bay li roun Labib é madanm-an asèpté étidyé Labib-a ké li a.

Kou Jéova, nou pouvé aji ké konpasyon ké ròt-ya, ké nou fanmi épi ké nou frè ké sò-ya. Nou ké pouvé fè sa si nou ka chaché palé di Labib-a pou ròt-ya.