A pa tout tan sa fasil di sonjé sa nou ka étidyé. Mé nou ka sonjé fasilman sa Jézi ansényé grasa èkzanp i pran. Poukisa ? Paské sa èkzanp-ya ka idé nou imajiné bagaj-ya byen. Menm fason-an, sa ké pi fasil pou to sonjé sa to ka étidyé si to ka imajiné sa to ka anprann. Kouman to pouvé fè sa ? A pou to désiné sa to anprann.

Souvan, moun ki ka désiné sa yé ka anprann ka rivé sonjé sa bagaj-ya pi fasilman. Yé ka di ki lò yé ka désiné, sa pi fasil pou yé sonjé ni mo-ya ni lidé-ya ki enpòrtan. É a pa gran désen yé ka fè. Sa zafè fè ti désen bon èspésyalman pou granmoun-yan.

Prochen kou to ké étidyé, to pouvé éséyé désiné sa to ka anprann. Pitèt to ké étoné lò to ké wè tousa to ka sonjé !