Li Genèse 37:23-28 ké 39:17–23, é byen gadé kouman Jozèf tchenbé rèd annan plizyèr sitiasyon ki pa té jis.

Gadé vèrsé-ya ki anvan ké sa-ya ki apré. Poukisa sèrten moun malmennen Jozèf san i pa té fè anyen ? (Gen. 37:3-11 ; 39:1, 6-10). Konmyen tan Jozèf sipòrté sa ? (Gen. 37:2 ; 41:46). Pannan tout sa tan-an, kisa Jéova fè pou Jozèf, mé kisa i pa fè ? (Gen. 39:2, 21 ; w23.01 17 § 13).

Fouyé pou anprann plis bagaj asou sa. Labib pa ka di si Jozèf éséyé défann so kò lò madanm Pitifar manti asou li. Poukisa i pitèt désidé pa di anyen ? É poukisa nou pa divèt rété la ka antann Labib rakonté nou tout ti détay asou roun istwè ? Pou réponn sa késyon-yan, gadé Proverbes 20:2, Jean 21:25 ké Actes 21:37. Men rounòt késyon : Pou tchenbé annan sa sitiasyon-yan ki pa té jis, ki bèl kalité Jozèf té divèt gen ? To ké trapé répons-a annan Michée 7:7, Luc 14:11 ké Jacques 1:2, 3.

Kisa sa ka anprann to ? Doumandé to kò :

• « Ki bagaj ki pa jis pouvé rivé mo pas mo sa roun disip Jézi ? » (Luc 21:12, 16, 17 ; Héb. 10:33, 34).

• « Kouman mo pouvé préparé mo kò pou mo tchenbé annan sitiasyon ki pa jis ? » (Ps. 62:7, 8 ; 105:17-19 ; w19.07-F 2-7).