Ès to lé anprann plis bagaj ankò lò to ka étidyé ? Si a sa to lé, sa déztrwa konsèy-ya pouvé idé to mété to lidé asou sa to ka étidyé :

• Chwazi roun bon ti koté. Si to pouvé, chwazi roun koté ki byen ranjé é koté i gen asé limyèr pou to wè. To pouvé asiz douvan roun biro ouben roun tab ouben to pouvé soti di to kaz pou to alé rounòt koté to ké alèz.

• Trapé roun koté to ké to rounso. Jézi désidé alé priyè « bònò […] roun koté i pa té gen pyès moun » (Marc 1:35). Si to pa janmen tousèl, to pouvé di to fanmi ouben moun-yan ki ka rété annan menm kaz-a ké to, kitan to ka étidyé épi doumandé yé pa déranjé to.

• Fè sa ki fo pou anyen pa déranjé to. Si to ka sèrvi to pòrtab ouben to tablèt pou étidyé, tiré son-an ouben mété mode avion-an. É si pannan to ka étidyé to ka sonjé ki to gen roun bagaj pou fè, marké l’ pou to pa bliyé fè l’ pita. Si to ka wè ki to pa ka rivé mété to tèt asou sa to ka étidyé, fè roun poz pou to alé maché, dérédi ouben ròt bagaj konsa.