Nou ka viv annan roun lépòk ki bèl toubonnman paské Jéova ka fè nou konprann Labib-a piti piti kou i pa janmen fè l’ anvan (Dan. 12:4). Mé détan, pitèt sa rèd pou nou swiv tout chanjman ki ka fèt annan fason nou ka konprann Labib-a. Ki koté nou pouvé trapé tout bagaj nou korijé asou fason pou nou konprann Labib-a ?

• Annan Index des publications des Témoins de Jéhovah, annan parti « Éclaircissements doctrinaux », to ké trapé roun lis di tout ansèyman nou korijé. Yé ranjé soulon lannen yé soti. Si to lé ranjé yé soulon yé tèm, a pou to alé annan ti karé-a yé mété laro pou chaché roun bagaj asou Watchtower Library ouben BIBLIOTHÈQUE EN LIGNE Watchtower, épi marké « éclaircissements doctrinaux » (ké guillemets).

• Annan Guide de recherche pour les Témoins de Jéhovah, i gen roun lis osi mé i pa gen bokou bagaj annan l’. Pou to trapé l’, alé annan parti « Témoins de Jéhovah », apré sa « Croyances, convictions » épi chwazi « Compréhensions affinées ».

Parèkzanp, to pouvé désidé étidyé roun ansèyman nou korijé i pa gen lontan pou to chaché konprann kouman nou divèt konprann li aprézan é poukisa nou fè sa chanjman-an.