Papa ké manman-yan gen rèsponsabilité anprann yé timoun konnèt Jéova (Éph. 6:4). Pou idé yé, òrganizasyon Jéova-a fè roun patché artik, vidéyo, chanté, ké ròt bagaj ankò. Papa ké manman, kouman zòt pouvé sèrvi sa pou ansényé zòt timoun ?

• Alé asou jw.org. Asou nou sit, zòt ké trapé tousa ki ja soti pou jennjan-ya kou vidéyo ké aktivité-ya a. Pou trapé yé, ékri « enfants » ouben « adolescents » annan ti karé-a yé mété laro pou chaché roun bagaj.

• Chwazi sa ki ké pi bon zòt timoun. Annan tousa yé ka propozé nou annan parti « Enfants », chwazi sa ki k’alé ké sa zòt timoun bézwen. Pou zòt trapé aktivité, marké « Activités pour le culte familial » annan ti karé-a yé mété laro pou chaché roun bagaj.

• Pasé tan ké to timoun. Pa mété yé douvan vidéyo ké aktivité yé ka propozé nou asou nou sit jis pou yé gen roun bagaj pou fè. Pasé to fè sa, palé ké yé é idé yé fè yé lanmityé ké Jéova vin pi fò.