24 févriyé – 2 mars
PROVERBES 2
Kantik 35 ké lapriyè | Paròl pou koumansé (1 min)
1. Poukisa nou divèt anvi étidyé nou rounso ?
(10 min)
Nou ka montré ki nou kontan lavérité-a (Pr 2:3, 4 ; w22.08 18 § 16).
Nou ké pran bon désizyon (Pr 2:5-7 ; w22.10 19 § 3-4).
Nou ka fè nou lafwa vin pi fò (Pr 2:11, 12 ; w16.09 23 § 2-3).
DOUMANDÉ TO KÒ : « Kisa mo pouvé fè pou mo étidyé pi souvan ? »
2. Pépit èspirityèl-ya
(10 min)
-
Pr 2:7 : Poukisa Jéova sa « roun boukliyé pou sa-ya ki ka maché drèt » ? (it-1 1195 § 4).
-
Ki pépit zòt trapé annan lèktir Labib pou sa simenn-an ?
3. Lèktir Labib-a
(4 min) Pr 2:1-22 (th léson 12).
4. Prémyé fwa to ka kozé ké moun-an
(4 min) DI KAZ AN KAZ. Montré roun moun kouman i pouvé trapé bagaj ki pouvé idé mouché ké madanm maryé, asou jw.org (lmd léson 1 pwen 3).
5. Lò to ka rouwè moun-an
(3 min) TÉMWANYAJ ENFÒRMÈL. Propozé moun-an roun journal ki ka palé di roun bagaj i té kontan annan dèrnyé kozé-a (lmd léson 9 pwen 3).
6. Diskour
(5 min) lmd appendice A idée 8. Tèm : Mouché ké madanm divèt fidèl ké yé konpanyen (th léson 13).
Kantik 96
7. Ès zòt kontan chaché trézòr ?
(15 min). Kozman.
Nou jennjan-yan, ès zòt té ké anvi alé chaché roun trézòr ? Si a sa, Labib ka envité zòt chaché trézòr-a ki gen plis valò pasé pyès ròt trézòr annan linivèr-a : anprann konnèt Bondjé ! (Prov. 2:4, 5). Zòt pouvé trapé sa trézòr-a si zòt ka pran tan li Labib touléjou épi fouyé annan l’. É zòt ké wè, zòt ké pran plézi fouyé annan Paròl Bondjé é zòt ké trapé roun patché bèl bagaj !
-
Lò zòt ka li Labib, ki késyon zòt pouvé pozé zòt kò ? (w24.02 32 § 2-3).
-
Ki zouti pouvé idé zòt trapé répons-ya ?
Vidéyo-ya Anprann ké zanmi Jéova pouvé anprann zòt byen réfléchi asou sa zòt ka li annan Labib.
Montré VIDÉYO-a Anprann ké zanmi Jéova : Abèl.
Li Genèse 4:2-4 ké Hébreux 11:4. Apré sa, doumandé moun-yan :
-
Kisa ka montré ki Abèl té sa zanmi Jéova ?
-
Kisa Abèl té ka fè pou fè so lafwa annan Jéova vin pi fò ?
-
Kisa zòt pouvé fè pou fè zòt lafwa vin pi fò ?
8. Étid biblik asanblé-a
(30 min) bt chap. 23 § 1-8 ké paròl pou koumansé parti 8-a.
