Bay Jéova laglwar
Télécharjé :
1. Asou to tronn annan syèl-a,
A to rounso, Jéova,
Ki pi pwisan é ki pi bèl.
Mèrsi pou to lanmou fidèl.
Lò mo ka wè syèl to fè-a,
Lalin ké tout zétwèl-ya,
Mo pa ka wè kimoun mo sa
Pou to pran swen di mo konsa...
(RÉFREN)
O Jéova, a to ki mérité
Rousouvwè lònò, laglwar !
To sa mo Rwa, é sa bèl ti chanté,
A pou louwé to, Papa,
Touléjou, O Jéova.
2. Dipi tout-tan é pou tout-tan,
To sa Bondjé Tou-Pwisan.
É chak jou annan mo lavi
Mo toujou lé fè to plézi.
A roun lònò di sèrvi to.
Wi, mo fyèr palé di to.
Ké to lanmou, ké to bonté,
To ka bay mo fòrs pou vansé.
(RÉFREN)
O Jéova, a to ki mérité
Rousouvwè lònò, laglwar !
To sa mo Rwa, é sa bèl ti chanté,
A pou louwé to, Papa,
Touléjou, O Jéova.
3. Tousa ki asou latè-a,
Lanmè, savann, solèy-a...
Ka fè mo kontan to, Bondjé.
Grasa to yé vin èkzisté.
Papa, mo blijé louwé to
Pou tousa to fè pou mo.
Mo pa anyen, mo toupiti,
Mé to lanmou pa ka fini.
(RÉFREN)
O Jéova, a to ki mérité
Rousouvwè lònò, laglwar !
To sa mo Rwa, é sa bèl ti chanté,
A pou louwé to, Papa,
Touléjou, O Jéova.
(Gadé osi Ps. 96:1-10 ; 148:3, 7.)
