PARTI 11
Ès Jéova ka kouté nou ?
Jéova ka kouté nou lapriyè (1 Pierre 3:12).
Jéova sa Sa-la ki ka tandé lapriyè-a (Psaume 65:2). I lé nou di l’ sa nou gen annan nou tchò.
A Jéova rounso pou nou priyè.
Nou pouvé priyè Bondjé pou bokou bagaj (1 Jean 5:14).
Priyè Bondjé pou so volonté fèt asou latè-a kou i ja ka fèt annan syèl-a.
Doumandé Jéova édé ou fè sa ki byen. Ou pouvé priyè pou manjé, pou trouvé roun travay é pou trapé roun koté pou rété. Priyè Jéova osi pou édé ou sipòrté lò ou malad.
Priyè o non di Jézi pou montré ki sa i fè-a gen roun gran enpòrtans pou ou.
Gadé osi...
ANSÈYMAN ASOU LABIB-A KI ENPÒRTAN
Ès Bondjé ka kouté tout sé lapriyè-ya ?
É si roun moun ka priyè l’ épi i égoyis annan sa i ka doumandé-a ? Ouben si roun mouché ka malmennen so madanm, épi apré sa, i ka doumandé Bondjé béni l’ ?
