AKÈY Rèsponsab akèy-ya la pou idé ou. Byen kolaboré ké yé, é swiv sa yé ka di lò ou ka garé ou loto, lò ou ka alévini annan sal asanblé-a, lò ou ka rézèrvé chèz, èksétéra.

BAGAJ KI PÉDI Mennen tout bagaj ki roun moun pédi annan sèrvis bagaj ki pédi. Si ou pédi roun kichoz, alé wè annan sa sèrvis-a. A la pou mennen osi timoun ki pédi. Mé, pou pyès moun pa enkyété initilman, véyé ou timoun épi gardé yé òbò zòt.

BATENM Si i pa gen ròt enfòrmasyon, chèz-ya ki douvan lèstrad-a rézèrvé pou kandida batenm-yan. A la yé divèt asiz anvan diskour batenm-an koumansé sanmdi bonmanten. Yé chak ké mennen roun mayoben korèk ké roun sèrvyèt.

CHÈZ Sonjé lézòt-ya. Rézèrvé chèz pou ou fanmi, pou sa-ya ki ka viv ké ou, pou moun ki ka vini asanblé-a ké ou ouben pou sa-ya ki ka étidyé Labib-a ké ou. Pa mété anyen asou ròt chèz-ya.

OFRANN Annan sa sal asanblé-a, yé mété asé chèz, matéryèl vidéyo ké sonorizasyon ké bokou ròt bagaj ki ké idé nou vini pi pròch di Jéova annan bon kondisyon. Tousa ka doumandé bokou soumaké. Ofrann ou anvi fè ka pèrmèt péyé tout sa bagaj-ya, ké soutni aktivité Rwayonm-an toupatou asou latè-a osi. Pou sa pi fasil, i gen plizyèr bwèt pou ofrann annan sal asanblé-a. Ou ké rékonnèt yé byen. Ou pouvé fè roun ofrann osi asou donate.pr418.com. Nou kontan rousouwvè chak ofrann. Kolèj santral-a ka roumèrsyé ou pou ou jénérozité lò ou ka soutni avansman aktivité Rwayonm-an.

PRÉMYÉ SÉKOUR Pa bliyé ki sa sèrvis-a la pou bay prémyé swen si i gen roun irjans rounso.

VOLONTÈR Si ou anvi idé annan travay i gen pou asanblé-a, alé wè sèrvis enfòrmasyon ké volontèr.

Lékòl pou évanjélizatèr Rwayonm-an Pyonyé ki gen ant 23 ké 65 an é ki anvi fè plis annan yé ministèr envité alé annan réinyon enfòrmasyon-an dimanch aprémidi. Yé ké anonsé lèr ké koté réinyon-an ké fèt pannan enfòrmasyon-yan.