Si Bondjé sa lanmou, poukisa rélijyon-yan ki ka di ki yé ka sèrvi Bondjé ka fè mové bagaj konsa ? Ében paské yé sa fo rélijyon, yé ka manti asou Bondjé. Kouman yé ka dérèspèkté Bondjé ? Kisa Bondjé ka pansé asou sa ? É kisa i ké fè ké sa rélijyon-yan ?

1. Poukisa ansèyman fo rélijyon-yan ka dérèspèkté Bondjé ?

Fo rélijyon-yan ka « lésé lavérité-a ki ka vini di Bondjé pou pran manti-a » (Romains 1:25). Parèkzanp, près tout fo rélijyon-yan pa ka anprann moun-yan non Bondjé. Mé, Labib-a ka di ki sa enpòrtan itilizé non Bondjé (Romains 10:13, 14). Anplis di sa, lò roun malò ka rivé, sèrten monpè, pastèr ké ròt chèf rélijyé ka di : « A sa Bondjé té lé ». Mé a roun manti. Bondjé pa ka fè pyès mové bagaj (li Jacques 1:13). Malérèzman, tout sa manti-ya ka fè moun-yan viré yé do pou Bondjé.

2. Poukisa bagaj fo rélijyon-yan ka fè ka dérèspèkté Bondjé ?

Labib-a ka di ki péché fo rélijyon-yan « fè roun ta ki ka rivé jik annan syèl-a » (Révélation 18:5). Dipi nanninannan, rélijyon-yan ka mélé yé kò annan zafè lapolitik, é yé ka soutni lagèr-ya. É akoz di yé roun lò ké roun patché moun ka mouri. Sèrten chèf rélijyé lé vin rich, a pou sa yé ka doumandé soumaké pou moun-yan ki ka vini annan yé légliz. Fo rélijyon-yan pa ka aji ké moun-yan kou Jéova ka fè l’. Sa chèf rélijyé-ya ka di ki yé ka réprézanté Bondjé, mé sa yé ka fè ka montré ki a pa sa menm. Yé vréman pa konnèt Bondjé (li 1 Jean 4:8).

3. Kisa Bondjé ka pansé di fo rélijyon-yan ?

Si ou ka kòlè akoz di sa fo rélijyon-yan ka fè, alé wè pou Bondjé ! Chèf rélijyé-ya ka dérèspèkté Bondjé, é yé ka maltrété moun-yan ki ka swiv yé. Jéova kontan moun-yan, i vréman kòlè lò i ka wè sa chèf rélijyé-ya ka fè. I ka promèt ki titalò i ké krazé fo rélijyon-yan é ‘pyès moun pa ké janmen wè yé ankò’ (Révélation 18:8, 21).

 ANNOU FOUYÉ ANNAN LABIB-A

4. Bondjé pa ka asèpté tout rélijyon-yan

Bokou moun ka pansé ki rélijyon-yan, a plizyèr chimen ki ka mennen koté Bondjé. Mé ès a vréman sa ? Li Matthieu 7:13, 14, épi kozé asou sa késyon-an :

• Kisa Labib-a ka di asou chimen-an ki ka bay lavi ?

Gadé VIDÉYO-a, épi kozé asou sa késyon-an.

• Ès Labib-a ka di ki tout rélijyon-yan ka fè Bondjé plézi ?

 6. Bondjé lé fè moun-yan soti di fo rélijyon-yan

Li Révélation 18:4 a (gadé nòt-a). Épi kozé asou sa késyon-an :

• Fo rélijyon-yan ka bloublou moun-yan. Kisa ou ka rousanti lò ou ka anprann ki Bondjé lé idé moun-yan soti di fo rélijyon-yan ?

7. Kontinyé anprann asou vré Bondjé-a

Ès mové bagaj fo rélijyon-yan ka fè divèt fè ou viré ou do pou Bondjé ? Imajiné roun jennjan ki pa ka kouté konsèy so papa ka bay li. I ka désidé pati di kaz-a é i ka koumansé fè bagaj ki pa bon. Papa-a pa dakò ké sa so pitit ka fè. Ès ou té ké di ki a fot papa-a si jennjan-an pa ka kouté é ka fè mové bagaj ?

• Ès ou té ké di ki a fot Jéova si fo rélijyon-yan ka fè mové bagaj ? É ès ou divèt arété anprann konnèt Jéova akoz di sa fo rélijyon-yan ka fè ?

 SA NOU WÈ

Fo rélijyon-yan ka dérèspèkté Bondjé paské yé ka anprann moun-yan bagaj ki pa vré é yé ka fè mové bagaj. Bondjé ké krazé fo rélijyon-yan.

Kisa ou anprann

• Kisa ou ka pansé di sa fo rélijyon-yan ka fè é di sa yé ka anprann moun-yan ?

• Kisa Jéova ka pansé di fo rélijyon-yan ?

• Kisa Bondjé ké fè ké fo rélijyon-yan ?