Nou ka péyé pi gro parti di nou aktivité ki ka fèt toupatou asou latè-a gras a ofrann Témwen Jéova-ya menm ka fè *. Annan koté nou ka adoré Bondjé, i gen bwèt pou fè ofrann, mé i gen ròt mannyè pou bay, kou nou ka wè l’ anlè paj-a Fè roun don. Anlè sa paj-a, moun-yan pouvé chwézi kouman yé ké fè roun don. Yé pouvé bay soumaké pou soutni aktivité ki ka fèt toupatou asou latè-a, ouben yé pouvé idé roun asanblé lokal, ouben yé pouvé fè toulédé.

Pyès moun pa ka doumandé Témwen Jéova-ya péyé ladim, ouben bay roun parti annan yé soumaké (2 Corinthiens 9:7). Pannan nou réinyon-yan, i pa gen lakèt é antré-a lib. Anplis di sa, Témwen-yan ki gen rèsponsabilité annan asanblé-a pa ka doumandé soumaké pou fè batenm, lantèrman, maryaj, ké ròt bagaj rélijyé. Nou pa ka vandé gato, nou pa ka fè vant charité, ni kèrmès, ni lafèt ké tonbola, ni pyès ròt bagaj konran pou ranmasé soumaké, épi nou pa ka doumandé pyès moun fè don. Nou pa janmen ka bay enfòrmasyon asou moun ki ka fè ofrann (Matthieu 6:2-4). Anlè nou sit entèrnèt ké nou piblikasyon, i pa gen piblisité pou fè nou ganyen plis soumaké.

Chak mwa pannan réinyon-yan, koté tout moun pouvé vini, asanblé lokal-ya ka fè roun rapòr pou savé konmyen soumaké ka rantré ké soti. Nou ka vérifyé dosyé kontabilité annan chak asanblé pou wè si yé ka byen itlizé soumaké-a (2 Corinthiens 8:20, 21).

• Bwèt pou fè ofrann : Nou pouvé mété soumaké ouben chèk annan bwèt-ya ki la èspésyalman pou sa annan Sal di Rwayonm-yan ké Sal asanblé-ya, ouben ròt koté nou ka fè nou réinyon.

• Don asou sit-a : Annan bokou péyi, nou pouvé alé asou paj entèrnèt-a « Fè roun don pou Témwen Jéova-ya » pou fè roun ofrann ké kart, ouben nou pouvé mété lajan asou kont biro nasyonal-a, ouben nou pouvé itilizé ròt mannyè ankò *. I gen Témwen Jéova ki désidé ‘mété roun kichoz asou koté’ chak mwa. Pou fè sa, yé ka itilizé roun di sa mannyè-ya pou yé fè ofrann(1 Corinthiens 16:2).

• Don nou ka prévwè : I gen sèrten don nou divèt prévwè alavans é pitèt doumandé konsèy roun moun ki savé sa lalwa-a ka di asou sa. Konsa, sa pouvé pèrmèt ou gen avantaj asou ou enpò annan ou péyi. Bokou moun trapé avantaj paské yé doumandé plis enfòrmasyon asou don yé pouvé fè, ki lò yé vivan, ki lò yé mouri. Nou ka envité ou pran kontak ké biro nasyonal Témwen Jéova-ya di ou péyi pou gen plis enfòrmasyon si ou lé fè roun don gras a :

  • kont labank

  • kontra asirans ké plan pou larétrèt

  • kaz ké téren 

  • aksyon ké obligasyon

  • tèstaman ké bagaj ou ka lésé rounòt moun jéré

Si ou lé plis enfòrmasyon asou diféran mannyè ou pouvé fè roun don annan oupa koté, alé asou paj entèrnèt-a « Fè roun don pou Témwen Jéova-ya ».