1 Rongorongo 24:1-31
24 Ao aikai aia koraki nako kanoan Aaron: Natin Aaron bon Nataba, Abiu,+ Ereata, ao Itama.+
2 Ma a mate Nataba ma Abiu imwain tamaia,+ ao akea natiia mwaane, ma a teimatoa ni beku bwa ibonga* Ereata+ ao Itama.
3 Ao Tawita ma Tatoka+ are mai buakoia tibun Ereata, ao Aimereka are mai buakoia tibun Itama, a baireiia nakoni koraki aika kakaokoro ni kaineti ma nakoaia n aia beku.
4 Kioina ngke e bati riki aia mataniwi tibun Ereata nakoia tibun Itama, ngaia are a a bwenauaia n aron aei: Irouia tibun Ereata ao iai 16 aia mataniwi i aoia aia koraki mairoun tamaia, ao tibun Itama iai 8 aia mataniwi i aoia aia koraki mairoun tamaia.
5 Irarikin anne, a bwenauaia naakai rinanon te kanikina* mairoun te Atua,+ te koraki teuana ma are teuana, bwa iai mataniwi n te tabo ae tabu ao ana mataniwi te Atua ae koaua mai buakoia tibun Ereata, ao mai buakoia naba tibun Itama.
6 Ao Temaia are natin Netanera are aia tia koroboki tibun Rewi, e korei araia naakai i matan te uea, tooka, Tatoka+ are te ibonga, Aimereka+ are natin Abiata,+ ao naake mataniwi i aoia aia koraki mairoun tamaia ake ibonga ao tibun Rewi, teuana te utu ae rineaki ibukin Ereata ao teuana ae rineaki ibukin Itama.
7 E nakon Ieoiariba te moani kanikina mairoun te Atua, ao te kauoua nakon Ietaia,
8 te katenua nakon Arim, te kaaua nakon Teorim,
9 te kanimaua nakoni Marekiia, te kaonoua nakoni Miiamin,
10 te kaitiua nakon Akoti, te kawanua nakon Abiia,+
11 te karuaiwa nakon Ietua, te katebwina nakon Tekania,
12 te ka-11 nakon Eriatiba, te ka-12 nakon Iakim,
13 te ka-13 nakon Uba, te ka-14 nakon Ietebeata,
14 te ka-15 nakoni Bireka, te ka-16 nakon Immera
15 te ka-17 nakon Eitira, te ka-18 nakon Abiteti,
16 te ka-19 nakoni Betaea, te ka-20 nakon Ieetiekera,
17 te ka-21 nakon Iakin, te ka-22 nakoni Kamura,
18 te ka-23 nakon Teraaia, ao te ka-24 nakoni Maatia.
19 Aikai bon nakoaia n aia beku+ ngkana a rin n ana auti Iehova, ni kaineti ma tuana are e kateia aia bakatibu are Aaron, n aron are e tua nakoina Iehova ae Atuan Iteraera.
20 Ao aikai nikiraia tibun Rewi: mai buakoia tibun Amram,+ Tibuera,+ mai buakoia tibun Tibuera, Ieteia.
21 Aikai mairoun Reabia:+ mai buakoia tibun Reabia, Itiaa are te mataniwi,
22 mai buakoia tibun Itia, Teromota,+ mai buakoia tibun Teromota, Iaata,
23 ao tibun Eberon, Ieria+ ae te mataniwi, Amaria te kauoman, Iaatiara te kateniman, ao Iekameam te kaaman.
24 Tibun Utiera, Mika. Mai buakoia tibuni Mika, Tiamira.
25 Ao tarini Mika bon Itiaa. Mai buakoia tibun Itiaa, Tekaria.
26 Natini Merari+ boni Maari ao Muti. Mai buakoia natin Iaatia, Beno.
27 Aikai tibuni Merari: mai buakoia natin Iaatia, Beno, Tioam, Takura, ao Iberi,
28 mairouni Maari, Ereata, are akea natina mwaane,+
29 mairouni Kiti are mai buakoia natini Kiti mwaane, Ierameera,
30 ao natini Muti boni Maari, Etera, ao Ierimota.
Aikai bon tibun Rewi aika mwaane ni kaineti ma aia koraki mairoun tamaia.
31 Ao a ukoukora naba te kanikina mairoun te Atua+ n aron are a karaoia tariia ake natin Aaron, i matan te Uea are Tawita, Tatoka, Aimereka, ao naake mataniwi i aoia aia koraki mairoun tamaia ake ibonga ao tibun Rewi. Ni kaineti ngkanne ma aia koraki nako mairoun tamaia, teuare te mataniwi bon titeboo ma tarina are uarereke riki.
Taiani Kabwarabwara Mai Nano
^ Nora Nanon Taeka.
^ A kabongana te aro teuana are e kona iai te Atua ni kaotia bwa tera nanona ni kaineti ma te bwai anne.
