1 Rongorongo 5:1-26
5 Aikai natin Reuben,+ are ana karimoa Iteraera. Boni ngaia te karimoa, ma ibukina bwa e kamwaraea* nnen tamana ni wene,+ ao a anganaki natin Ioteba+ are natin Iteraera rinen teuaei ni karimoa, ngaia are e a aki koreaki arana n te kateiriki ibukin te rine ni karimoa.
2 E ngae ngke e kakannato riki Iuta+ nakoia tarina, ao e riki mairouna te aomata are e na riki bwa te tia kairiri,+ ma e mena te rine ni karimoa iroun Ioteba.
3 Natin Reuben are ana karimoa Iteraera, bon Anoka, Baru, Etiron, ao Karemi.+
4 Natin Ioera bon Temaia, ao natin teuaei boni Koka, ao natin teuaei bon Timei,
5 ao natin teuaei boni Mika, ao natin teuaei bon Reaia, ao natin teuaei boni Baara,
6 ao natin teuaei boni Beeraa are kairakinako bwa te taenikai iroun Tikeratabirenetera+ ae Uean Aturia. Bon te mataniwi ngaia i aoia tibun Reuben.
7 Aikai aia utu nako tarina ni koreakin araia n te kateiriki mairouia kanoaia, Ieeiera te mataniwi, Tekaria,
8 ao Bera ae natin Atati are natin Tiema are natin Ioera, are e maeka i Aroera+ ni karokoa Nebo ao Baarameon.+
9 E maeka nako mainiku ni karokoa te tabo n rin n te rereua are e tiki nakon te Karaanga ae Iuberetiti,+ bwa a a rangi ni bati aia man n te aba ae Kireata.+
10 N ana bong Tauro ao a buakania taian Akeraite, ake a konaaki i mataia, ai ngaia are a a maeka n aia umwanrianna ni kabutaa te aono are i mainikuni Kireata.
11 Ao a maeka kanoani Kata i rarikia naakai n te aba ae Batian ni karokoa Tareka.+
12 Ioera bon te mataniwi, ao te kauoman Tiabam, ao Ianai ma Tiabata bon taani kairiri naba i Batian.
13 Ao bon itiman aia koraki mairoun tamaia bwa Mikaere, Meturam, Tieba, Iorai, Iakan, Tiia, ao Ebere.
14 Akanne natin Abiaira, are natin Uuri, are natin Iaroa, are natini Kireata, are natini Mikaere, are natin Ietitiai, are natin Iato, are natini Buti.
15 Aai are natin Aberiera, are natini Kuni, bon te mataniwi i aoia aia koraki mairoun tamaia.
16 A maeka i Kireata,+ i Batian+ ma kaawa ake a mena i aana,* ao n tawaana ni kabane ake i Tiaron ni karokoa are bon tokia.
17 A bane ni koreaki araia n te kateiriki n ana bong Iotam+ are Uean Iuta ao n ana bong Ieroboam*+ are Uean Iteraera.
18 Iai taani buaka aika korakora n aia taanga ni buaka tibun Reuben, tibuni Kata, ao te itera ni baronga are Manate, aika 44,760 ake a uouotii otanga ma kabaang ao a taubobonga n taiani kainikatebe,* ao a kataneiaaki n te buaka.
19 A buakania taian Akeraite,+ Ietura, Nabiti,+ ao Notaba.
20 Ao a buokaki ngke a buakania nakekei, n te aro are a a mena taian Akeraite ma te koraki nako ake raoia i nanoni baia naakai, bwa a butiia te Atua buokaia n te buaka, ao e kaekaa aia bubutii ibukina bwa a onimakinna.+
21 A tauia aia nanai ni man aika kamero aika 50,000, tiibu aika 250,000, ao taongki aika 2,000, n ikotaki naba ma aomata* aika 100,000.
22 A bati aika mate, ibukina bwa bon ana buaka te Atua ae koaua.+ Ao a maeka n aia tabo ni karokoa te tai ni kairakinako bwa taenikai.+
23 A maeka kanoaia te itera ni baronga are Manate+ n te aba mai Batian nako Baaraeremon ao Tienira ma te Maunga ae Oman.+ A rangi ni bati.
24 Aikai mataniwi i aoia aia koraki mairoun tamaia: Ebe, Iti, Eriera, Aatiriera, Ieremia, Otawia, ao Iariera. Bon taani buaka aika korakora ngaiia, aika mwaane aika tanoata taekaia, ao mataniwi i aoia aia koraki mairoun tamaia.
25 Ma a aki kakaonimaki nakon Atuaia aia bakatibu ao a kamwaraeia n taromaurii* atuaia botannaomatan te aba,+ are e kamaunaia te Atua mai mwaia.
26 Ao Atuan Iteraera e a kauekea nanoni Bura ae Uean Aturia+ (ae taekan Tikeratabirenetera+ are Uean Aturia) n te aro are e a kairiianako tibun Reuben, tibuni Kata, ao te itera ni baronga ae Manate bwa taenikai, ao e kairiia nako Aiira, Abora, Uara, ao te karaanga ae Kotan+ ike a mena iai ni karokoa te bong aei.
Taiani Kabwarabwara Mai Nano
^ Ke, “kamatauningaa.”
^ Ke, “ake a katobibia.”
^ Ae taekan Ieroboam te kauoman.
^ Ebera, “ao a toua te kainikatebe.”
^ Ebera, ne’phesh, nora Nanon Taeka.
^ Ebera, “wene ni bure ma atua,” te taeka ni kaikonaki ae kaotaki iai taromauriani bouannanti aika atua aika ianena.”
