1 Rongorongo 7:1-40
7 Ao natin Itakara aika aman bon Tora, Bua, Iatuba, ao Timron.+
2 Ao natin Tora bon Utiti, Rebaia, Ieriera, Iamai, Ibetam, ao Temuera, aika mataniwi i aoia aia koraki mairoun tamaia. A riki taani buaka aika korakora, mairoun Tora ae mwaitiia n ana bong Tawita bon 22,600.
3 Ao kanoan* Utiti bon Ietiraia, ao aikai natin Ietiraia: Mikaere, Obaria, Ioera, ao Itiaa. Bon taani kairiri* ngaiia ni kaniman.
4 Ao iai raoia aika tautia aika 36,000 n aia taanga ni buaka, aika a tauraoi nakon te buaka, aika kanoaia ni kaineti ma aia koraki mairoun tamaia, bwa a bati buuia ma natiia mwaane.
5 Ao tariia man aia utu nako tibun Itakara bon taani buaka aika korakora aika 87,000 aika koreaki araia ni karinanaki n te kateiriki.+
6 Bon teniman natini Beniamin+ bwa Bera,+ Bekera,+ ao Ieriaera.+
7 Ao natini Bera aika niman bon Etibon, Utiti, Utiera, Ierimota, ao Iri, aika mataniwi i aoia aia koraki mairoun tamaia, aika taani buaka aika korakora, ao 22,034 ake a koreaki araia n te kateiriki.+
8 Ao natini Bekera bon Temira, Ioaati, Erietera, Erioenai, Omri, Ieremota, Abiia, Anatota, ao Aremeta. Naakai ni kabane bon natini Bekera aika mwaane.
9 Mwaitiia naakai aika koreaki araia n te kateiriki ni kanoaia nako ni kaineti ma aia mataniwi i aoia aia koraki mairoun tamaia, bon 20,200 taani buaka aika korakora.
10 Ao natin Ieriaa+ boni Birean, ao aikai natini Birean: Ieuti, Beniamin, Euta, Kennaana, Tietan, Taretiti, ao Aitiaa.
11 Naakai ni kabane bon natin Ieriaa aika mwaane, ni kaineti ma mataniwi i aoia aia bakatibu, aika taani buaka aika korakora aika 17,200 aika tauraoi n otinako nakon te taanga ni buaka ibukin te buaka.
12 Taian Tubim ma taian Ubim* bon natin Ire,+ ao taian Utim bon natin Aera.
13 Natin Nabetari+ bon Iatiera, Kuni, Ieteri, ao Tiarum, aika kanoani* Birea.+
14 Natini Manate+ bon Atiriera are bungiaki irouni buun teuaei ni kewe* ae te I-Turia. (E bungia neiei Makira+ are tamani Kireata.
15 Ao Makira e karekea buun Ubim ao Tubim, ao arani mwaanena bon Nei Maaka.) Aran te karimwi bon Terobeata,+ ma e nati aine+ Terobeata.
16 Ao Maaka are buuni Makira e bungia te nati te mwaane ao e aranna bwa Bereeti, ao aran tarina bon Tiereti, ao natin teuaei bon Urama ao Rekem.
17 Ao natin* Urama boni Betan. Akanne boni kanoani Kireata are natini Makira are natini Manate.
18 Ao mwaanena bon Ammoreketa. E bungia neiei Itiota, Abietera, ao Maara.
19 Ao natin Temita bon Aian, Tekem, Riki, ao Aniam.
20 Natin Eberaim+ bon Tutera,+ ao natin teuaei boni Bereta, ao natin teuaei bon Taata, ao natin teuaei bon Ereataa, ao natin teuaei bon Taata,
21 ao natin teuaei bon Tabata, ao natin teuaei bon Tutera ao Etia ao Ereaata. A tiringaki naakai irouia rorobuakani Kate+ ake a bungiaki n te aba, ibukina bwa a ruo rikaaki n anaiia aia nanai ni man.
22 E tanginiwenei Eberaim ni boong aika bati, ao a teimatoa n roko tarina ni kabebetea nanona.
23 Imwina ao e wene n taanga ma buuna, ao e bikoukou neiei ao e bungia te nati te mwaane. Ma e aranna teuaei bwa Beria,* ibukina bwa e bung neiei n te tai are a rawawata iai ana utu.
24 Ao natina te aine bon Tieera, are e katea Betaoron+ are mai Nano+ ao are mai Eta ao Utentieera.
25 Ao iai natin teuaei ae Rebaa, ao Reteba naba, ao natin teuaei bon Teria, ao natin teuaei bon Taan,
26 ao natin teuaei bon Ratana, ao natin teuaei bon Ammiuta, ao natin teuaei bon Eritiama,
27 ao natin teuaei bon Nun, ao natin teuaei bon Iotua.*+
28 Abaia ma aia tabo nako ni maeka boni Betaera+ ma kaawa ake a mena i aana,* ao nako mainiku bon Naaran, ao nako maeao boni Ketera ma kaawa ake a mena i aana, ao Tekem ma kaawa ake a mena i aana, ni karokoa Aiaa* ma kaawa ake a mena i aana,
29 ao i rarikia kanoani Manate boni Betatean+ ma kaawa ake a mena i aana, Taanaka+ ma kaawa ake a mena i aana, Mekito+ ma kaawa ake a mena i aana, ao Toora+ ma kaawa ake a mena i aana. A maeka n taabo aikai kanoan Ioteba are natin Iteraera.
30 Natin Atera bon Imna, Itiwa, Itiwi, ao Beria,+ ao mwaaneia bon Nei Teraa.+
31 Natini Beria bon Eebere ao Marekiera are tamani Biretaita.
32 Eebere bon tamaia Iabereta, Tiomera, ao Ootam, ao mwaaneia are Nei Tua.
33 Natin Iabereta boni Bataka, Bimara, ao Atiwata. Nakanne bon natin Iabereta aika mwaane.
34 Natin Temera* bon Aai, Roka, Ieuba, ao Aram.
35 Natin Erem* are tarin teuaei bon Tobwa, Immna, Tereti, ao Amara.
36 Natin Tobwa bon Tiuaa, Arenebera, Tuara, Beri, Imra,
37 Betera, Ota, Tiamaa, Tiretia, Iteran, ao Beira.
38 Natin Ietere bon Iebunne, Bitiba, ao Ara.
39 Natin Uuraa bon Araa, Anniera, ao Ritia.
40 Akanne ni kabane boni kanoan Atera, aika mataniwi i aoia aia koraki mairoun tamaia, aika aomata aika rianako aika taani buaka aika korakora, aika mataniwi i aoia taani kairiri, ao mwaitiia ae karinanaki ni korean araia+ n te kateiriki bon 26,000 mwaane+ aika kaain te taanga ni buaka aika tauraoi ibukin te buaka.
Taiani Kabwarabwara Mai Nano
^ Ebera, “mataniwi.”
^ Ebera, “mwaane aika natin.”
^ Ke, “Tubim ma Ubim.”
^ Ebera, “mwaane aika natin.”
^ Nora Nanon Taeka, “Buu ni kewe.”
^ Ebera, “mwaane aika natin.”
^ Ae nanona, “Ma te Rawawata.”
^ Ke, “Ieotua,” ae nanona, “Iehova Bon te Kakamaiu.”
^ Ke tao, “Kaata,” ma tiaki Kaata are i Biritia.
^ Ke, “ake a katobibia.”
^ E aranaki naba bwa Tiomera n te kibu 32.
^ Tao titeboo ma “Ootam” n te kibu 32.
