1 Rongorongo 9:1-44
9 A bane tibun Iteraera ni koreaki araia n te kateiriki, ao a koreaki n aia Boki Uean Iteraera. Ao a kairaki bwa taenikai kaain Iuta nako Baburon ibukin aia aki kakaonimaki.+
2 Kaain te aba ake a moan okiri abaia n aia kaawa bon tabeman tibun Iteraera, ibonga,* tibun Rewi, ao tooro* n te tembora.+
3 Ao a maeka i Ierutarem tabeman kanoan Iuta,+ kanoani Beniamin,+ ao kanoani Manate ake:
4 Utai are natin Ammiuta are natin Omri are natin Imri are natini Bani, ake kanoani Bereti+ are natin Iuta.
5 Ao mai buakoia I-Tiro, Ataaia are te karimoa ao natina aika mwaane.
6 Ao mai buakoia natin Teera,+ Ieura ao tariia ake 690 mwaitiia.
7 Ao mai buakoia kanoani Beniamin, Tiaru are natini Meturam are natin Otawia are natin Atenua,
8 Ibeneia are natin Ieroam, Eera are natin Utiti are natini Mikeri, ao Meturam are natin Tebatia are natin Reuera are natin Ibenia.
9 Ao tariia ake raoia ni karinanaki araia n te kateiriki bon 956. Mwaane aikai ni kabane boni mataniwi i aoia aia koraki mairoun tamaia.
10 Ao mai buakoia ibonga, bon Ietaia, Ieoiariba, Iakin,+
11 Ataria are natin Irekia are natini Meturam are natin Tatoka are natini Meraiota are natin Aituba, are te tia kairiri n ana auti* te Atua ae koaua,
12 Ataia are natin Ieroam are natini Batiura are natini Marekiia, Matiai are natin Arieru are natin Iaatera are natini Meturam are natini Metiremita are natin Immera,
13 ao tariia, aika mataniwi i aoia aia koraki mairoun tamaia aika mwaane aika korakora ma ni konabwai aika 1,760 aika tauraoi nakon te beku n ana auti te Atua ae koaua.
14 Ao mairouia tibun Rewi, bon Temaia+ are natin Atiuba are natin Atirikam are natin Atiabaia mai buakoia kanoani Merari,
15 ao Bakebaka, Eireti, Karara, Matania are natini Miika are natin Tikeri are natin Ataba,
16 Obaria are natin Temaia are natini Karara are natin Ierutun, ao Berekia are natin Ata are natin Erekana are maeka n aia tabo nako ni maeka I-Netoba.+
17 Taan teiakina mataroan te oo+ bon Tiarum, Akuba, Taremoni, Aiman, ao tariia ae Tiarum ae te mataniwi,
18 ao ni karokoa te tai anne, e mena teuaei ni mataroan ana oo te uea mai mainiku.+ Akanne bon taan teiakina mataroan oon aia kaembwa tibun Rewi.
19 Ao Tiarum are natini Kore are natin Ebiataba are natini Kora, ma tarina ake ana koraki mairoun tamana, ake tibuni Kora, bon taan tararuaa waakin te mwakuri, ao taan teiakina mataroan te umwanrianna, ao aia bakatibu a tararuaa ngkoa ana kaembwa Iehova bwa taan teiakina te kawai n rin.
20 Boni Bineati+ are natin Ereata+ ae aia tia kairiri ngkoa, ao e memena Iehova iroun teuaei.
21 Tekaria+ are natini Meteremia bon te tia teiakina mataroan oon te umwa ni botaki.
22 Te koraki nako ake a rineaki bwa taan teiakina mataroan te oo ake n taiani kawai n rin, bon 212 mwaitiia. A mena n aia tabo nako ni maeka ake a koreaki araia+ iai n te kateiriki. A mwiokoaki te koraki aikai iroun Tawita ma Tamuera are te tia matairiki,+ nakon nakoaia ae a kona n onimakinaki iai.
23 A tararuaa te beku ngaiia ma natiia mwaane ibukin te mwakuri n tantani ni mataroan oon ana auti Iehova,+ ae te auti ae te umwanrianna.
24 A mena taan teiakina mataroan te oo n itera ake aua, ae mainiku, maeao, meang, ao maiaki.+
25 N te tai teuana ma teuana ao a roroko n rin tariia man aia tabo nako ni maeka ibukin itibong bwa a na beku ma ngaiia.
26 A onimakinaki mwaane aika aman aika mataniwi* ake mai buakoia taan teiakina mataroan te oo aika tibun Rewi, n tararuaan taian ruu* ao nneni baika kakawaki ake n ana auti te Atua ae koaua.+
27 A titiku naakai n te tairiki n aia tabo nako i rarikin ana auti te Atua ae koaua ni kabutaa, bwa a tararuaa te mwakuri n tantani arei, ao a mwiokoaki n te kiing, ao a kakauka te auti n te ingabong teuana ma teuana.
28 A mwiokoaki tabeman mai buakoia ni bwaai ni mwakuri.+ A na wareki ngkana a karin ao a na wareki ngkana a kaotinakoi.
29 A mwiokoaki tabeman mai buakoia i aoni bwaai riki ake tabeua, i aoni bwaai aika tabu ni kabane,+ ao i aon te burawa ae mte,+ te wain,+ te oera,+ te ribano,*+ ao oeran te batiam.+
30 Ao tabeman mai buakoia natiia ibonga, a kakaraoa te motiboi n oeran te batiam ma taian rengarenga.
31 Ao Matitia are mai buakoia tibun Rewi, ae ana karimoa Tiarum are tibuni Kora, e onimakinaki i aoni bwaai ake a umumunaki n taiani baan.+
32 Tabeman tariia ake tibuni Koata a mwiokoaki ni bwerena*+ ake a kauaataoaki, bwa a na kakatauraoia ni katoaa te bongi n taabati.+
33 Aikai ngkanne taan anene, ake mataniwi i aoia aia koraki mairoun tamaia ake mai buakoia tibun Rewi, ake n taian ruu,* ake te koraki ake a kainaomataaki mani mwakuri ake tabeua riki, bwa bon tabeia bwa a na tei n te ngaina ao n te bong.
34 Naakai boni mataniwi i aoia aia koraki mairoun tamaia mai buakoia tibun Rewi ake a karinanaki araia n te kateiriki, aika mwaane aika mataniwi. A maeka naakai i Ierutarem.
35 E maeka Ieeiera i Kibeon.+ Boni ngaia ae e moani katea te kaawa anne. Arani buuna Maaka.
36 Ao ana karimoa ni mwaane teuaei bon Abeton, ao imwina Tura, Kiti, Baara, Nera, Nataba,
37 Ketora, Aiio, Tekaria, ao Mikerota.
38 Mikerota bon taman Timeam. Ao a bane ni maeka naakai n uakaan ma tariia i Ierutarem, n ikotaki ma tariia ake tabeman riki.
39 Nera+ bon tamani Kiti. Kiti bon taman Tauro.+ Tauro bon tamaia Ionatan,+ Marekitua,+ Abinataba,+ ao Etibaara.
40 Ao natin Ionatan boni Meribabaara.+ Meribabaara bon tamani Mika.+
41 Ao natini Mika boni Biton, Mereka, Tareia, ao Aati.
42 Aati bon taman Iara. Iara bon tamaia Aremeta, Atimaweta, ao Timri. Timri bon tamani Mota.
43 Mota bon tamani Binea, ao natin teuaei bon Rebaia, ao natin teuaei bon Ereatia, ao natin teuaei bon Aatera.
44 Iai natin Aatera aika onoman, ao araia bon Atirikam, Bokeru, Itimaera, Tearia, Obaria, ao Aanan. Naakai bon natin Aatera aika mwaane.
Taiani Kabwarabwara Mai Nano
^ Nora Nanon Taeka.
^ Ke, “taian Netinim.” Ebera, “naake e anga te aba ngaiia.”
^ Ke, “tembora.”
^ Ke, “taabo n amwarake.”
^ Ebera, “korakora.”
^ Nora Nanon Taeka.
^ Ae taekan te bwerena ae kaotiotaki.
^ Ke, “taabo n amwarake.”
