Abakuka 1:1-17
1 Te taeka are e reke iroun Abakuka* are te burabeti rinanon te miitara:
2 Iehova, e na maanra tangiu ni kani buokaki ma ko aki ongo?+
E na maanra au bubutii bwa ko na kamaiuai man te iowawa, ma ko aki karaoa te bwai teuana?*+
3 Bukin tera bwa ko karaoai bwa N na nora karaoan ae bure?
Ao bukin tera bwa ko taona nanom nakon te karawawataaki?
Bukin tera ngkai a mena i matau te urubwai ma te iowawa?
Ao bukin tera ngkai e a bati te kauntaeka ma te itabarara?
4 Ngaia ae e a mamaara te tua,Ao e tuai mani karaoaki te kaetitaeka ae riai.
Bwa a otabwaniniaki aika raoiroi irouia aika buakaka,Anne bukina ae e a kabwaouaaki iai te kaetitaeka ae riai.+
5 “Kam na taraiia natannaomata ao matakuakinia!
Kareke matami ma te miroaroa ao kam na kubanrou,Bwa iai te bwai ae e na riki n ami bong,Ae kam na aki kakoauaa e ngae ngkana kam boni kaongoaki taekana.+
6 Bwa ae I a kateirakeia I-Kareria,+Ae te natannaomata ae akea ana nanoanga ao e aki kona n iango moa.
A taeinako taabo aika raababa n te aonnabaBwa a na taui mwenga aika tiaki mwengaia.+
7 A kakamaaku ma n rangi ni maakaki.
A boni katea oin aia kaetitaeka ae riai ao aia kairiri.*+
8 A birimwaaka riki aia aoti nakoia rebwari,Ao a kakamaaku riki nakoia kameaanti n te tairiki.+
A biri aia aoti ni buaka ni kaineta moaia,Ao a roko aia aoti mai kiraroa.
A baitii n titiku nako naano n aron te ikare ae ienikuri bwa e na amwarake.+
9 A bane ni motika nanoia bwa a na iowawa,+Ao ngkana a botaki ubuia ao ai aron te angimainiku,+Ao a abutiia taenikai n ai aron te tano.
10 A kakanikoia ueea,Ao a ngareakinia mataniwi aika rietata.+
A ngareakin taabo nako aika nonoaki,+Ao a katabuka te tano ao a taua te natannaomata aei.
11 Ao a keerake n ai aron te ang ao a rinanon te aba,Ma a na reke n te bure,+Ibukina bwa a taekinna bwa e reke korakoraia mairoun atuaia.”*+
12 Iehova, tiaki bon iai ngkoe mangkoangkoa?+
Bon Atuau ngkoe ae Tabu, ko bon aki mamate.*+
Ngkoe ae Iehova, ko rineiia naakai ibukini karokoan te motikitaeka.
Au Bwaa,+ ko kateiia ibukin te katuuaa.*+
13 A rangi n itiaki matam ao a aki kona n taraa te bwai ae buakaka,Ao ko aki kona n taona nanom nakon te buakaka.+
Bukin tera ngkanne ngkai ko taona nanom nakon te babakanikawai,+Ao n teimatoa ni kainabwabu ngkana te aomata ae buakaka e kataenikaia te aomata ae raoiroi riki nakoina?+
14 Bukin tera bwa ko karaoa te aomata n ai aron ikan taari,N aroia manin taari aika akea aia tia tautaeka?
15 E* katikiirake baikai ni kabane n te matau.
E raweiia n ana karaun,Ao e botiia n ana karaun n akawa.
Anne bukina ae e rangi ni kimwareirei iai teuaei.+
16 Anne bukina ae e anga taiani karea nakon ana karaun,Ao e anga taiani karea* nakon ana karaun n akawa,Bwa e bati* tibwangana mani baikanne,Ao e rangi n raoiroi kanana.
17 E na teimatoa ngkanne n aeka kanoan ana karaun?*
E na teimatoa n tiringia natannaomata n akea ana nanoanga?+
Taiani Kabwarabwara Mai Nano
^ Tao nanona, “Te Irabwati ae Nako Man te Tangira.”
^ Ke, “kamaiuai.”
^ Ke, “karineaia.”
^ Ke tao, “korakoraia bon atuaia.”
^ Ke tao, “ti na aki mate.”
^ Ke, “ibukini boaan te aba.”
^ Ae taekan te tia kairiribai ae te I-Kareria.
^ Ke, “karea aika kabuekaki ni kabubuaki.”
^ Ebera, “rangi n nenea.”
^ Ke tao, “teimatoa ni buuta ana kabaang?”
