Abakuka 3:1-19
3 Ana tataro Abakuka are te burabeti, n taian anene aika kananokawaki:*
2 Iehova, I a tia n ongo rongorongom.
I miroaroa n am mwakuri, ngkoe ae Iehova.
Kamaiua am mwakuri i nanon taian ririki!*
Ao kaota am mwakuri i nanon taian ririki.*
Ko bia uringnga ni kaota te nanoanga i nanon tain te kiriwe.+
3 E roko te Atua mai Teman,Are Teuare Tabu man te Maunga ae Baran.+ (Tiera)*
E rabuna karawa mimitongina+Ao e kaonaki te aonnaba ni karaoiroana.
4 Titeboo raneaneana ma te oota.+
Ao a otinako oota aika uoua mai baina,Ike e karabaaki iai korakorana.
5 E otinako n rimoana te aoraki ae kamamate+Ao e ririmwini waena te kabuebue ae korakora.
6 E tei n aki kakammwakuri ao e kamwaeieiea te aonnaba.+
E taratara ao e karuruia natannaomata.+
A ibeibeaki maunga aika maan n tei,Ao a bobaraaki tabuki ake mangkoangkoa.+
Bon ana bwai kawai ake mangkoangkoa.
7 I nora te kangaanga i nanon umwanrianna ake i Kutian.
Ao a ruru kunnikain umwanrianna ake n te aba ae Mirian.+
8 Iehova, te koaua bwa ko ekinako karaanga,Ao te koaua bwa e urarake unim n ekinako karaanga?
Ke te koaua bwa e ekaanako taari unim ae korakora?+
Bwa ko toka i aoia am aoti+Ao a totokanikai* am kaa ni buaka.+
9 Ko kaotinakoa raoi am kainikatebe mani kauna ao e a tauraoi.
A mwiokoaki kaai n oro* n taian taetae n tuea.* (Tiera)
Ko katabwenaa aontano n taiani karaanga.
10 A noriko maunga ao a inimaki ni maraki.+
E raanganako te karau ae korakora.
E bekorara marawa.+
E katei baina ni karietatai.
11 A tei n aki kakammwakuri taai ma namwakaina n aia tabo ae rietata.+
A otinako kanoan am kainikatebe n ai aron te oota.+
E raititi raneanean am kainiwai.
12 Ko mwaati n rinanon te aonnaba ma te bononnano.
Ko toutouia* natannaomata n unim.
13 Ko otinako ibukini kamaiuaia am aomata, bwa ko na kamaiua teuare am kabiraki.
Ko kamanatuaa te tia kairiri* n ana auti ane e buakaka.
E kaotaki mai aana nakon te taubuki.* (Tiera)
14 Ko ewari atuia ana tia buaka n oin ana bwai ni buaka*Ngke a otinako n aron te angibuaka bwa a na kamaeainako.
A rangi ni kimwareirei ni karabaia ni kabwauta ane e karawawataaki.
15 Ko rinanon taari n toutoua ma am aoti,N rinanon te ran ae abwabwaki ae naonao.
16 I ongo ao I ruru i nanou,*A ruru riau n te karongoa,Ao e niniaanako riiu te mka.+
A ruru waeu i aau.
Ma I boni kainabwabu naba n tataningaa bongin te rawawata,+Bwa e a roko i aoia aomata aika buakanira.
17 E ngae ngkana e na aki uee te kai ae te biiku,Ao e na aki uaa te kai ae te kureebe,Ao e ngae ngkana e na toki uaan te oriwa,Ao a na aki karikii amwarake taian tawaana,Ao e ngae ngkana a na bua tiibu man ooia,Ao a na akea kaao ni nneia,
18 Ma ngai N na boni kakatonga iroun Iehova,N na kimwareirei iroun te Atua ae te tia kamaiuai.+
19 Boni korakorau te Uea ae Moan te Rietata ae Iehova.+
E na karaoi waeu bwa a na waekoakoa n aroni waen te ria,Ao e na kairai bwa N na toutoui taabo aika rietata.+
Nakon te mataniwi n te anene,ma au bwai ni katangitangaika iai karaiia.
Taiani Kabwarabwara Mai Nano
^ Ke, “anene n tanginiwenei.”
^ Ke tao, “n ara tai.”
^ Ke tao, “n ara tai.”
^ Nora Nanon Taeka.
^ Ke, “kakamaiu.”
^ Ke tao, “kanoan te kainikatebe.”
^ Ke tao, “A taekinaki aia berita n te taetae n tuea taiani baronga.”
^ Ebera, “kaaki kunia.”
^ Ebera, “te mataniwi.”
^ Ebera, “te roroa.”
^ Ebera, “ana kai n oro.”
^ Ebera, “ao e ruru birotou.”