Amota 4:1-13
4 “Ongora n te taeka aei, ngkami aika kaao aine i Batian,Aika mena i aoni maungan Tamaria,+Ngkami aika aine aika babakanikawaiia akana mangori+ ao a karawawataia akana maiu ni kainnano,Ake a kangai nakoia buuia,* ‘Uotaamai nimara bwa ti na moi!’
2 E taetae n tuea n tabuna te Uea ae Moan te Rietata ae Iehova ni kangai,‘“Noria! A na roko boong i aomi aika e na tabekingkami iai teuanne n ana matau te tia koro irikomaiuAo ngkami akana nikirana ni mataun te ika.
3 Ane kam na otinako rinanon taiani bwangabwanga n te oo, e na kaeta moana temanna ma temanna,Ao ane kam na tewenakoaki nako nanon Aremon,” bon ana taeka Iehova.’
4 ‘Nakomai nako Betaera ao kam na bure,*+Nako Kirekara ao kam na bure riki!+
Uotii ami karea+ n te ingabong,Ao ami kabwianibwai*+ n te katenua ni bong.
5 Kabueka te karea ni katituaraoi ae te kariki ae karikaki,+Takarua ni katanoataa ami karea ni kan anga!
Bwa anne te bwai ae kam tangiria ni karaoia, ngkami aika tibun Iteraera,’ bon ana taeka te Uea ae Moan te Rietata ae Iehova.
6 ‘Ao I karaoi wimi bwa a na itiaki man te amwarake* n ami kaawa ni kabane,Ao I kauekea taren te kariki n ami auti ni kabane,+Ma kam aki okirai,’+ bon ana taeka Iehova.
7 ‘I taua naba te karau mairoumi i nanon tenua namwakaina imwain te mwakuri n tai.+
I kabwakaa te karau n te kaawa teuana, ma tiaki n te kaawa are teuana.
E kakarau te mwakoro n aba teuanaMa e mwautakataka te mwakoro n aba are teuana are aki kakarau.
8 A turatura aomata aika kaaini kaawa aika uoua ke tenua nakon te kaawa ae tii teuana bwa a na moi n te ran,+Ao a aki rauaki.
Ma kam bon aki okirai,’+ bon ana taeka Iehova.
9 ‘I orei arokami n te kabuebue ao n te mannaoraki.+
Kam kabatiai ami onnaroka ma ami nne ni kureebe,Ma a kang arokami aika biiku ma oriwa taian rokati.+
Ao kam bon aki naba okirai,’+ bon ana taeka Iehova.
10 ‘I kanakoa te aoraki ae kamamate nako buakomi n aron are i Aikubita.+
I kamateia ami rorobuaka n ataei n te kabaang+ ao I tauia ami aoti.+
I kawaerakea mwaungin ami kaembwa nako nanoni bwangabwangani bwairimi,+Ma kam bon aki naba okirai,’ bon ana taeka Iehova.
11 ‘I kamaunaingkamiN aron te Atua ni kamauna Totom ma Komora.+
Ao kaanga ai aron te kai ngkami ae buritakinako mai nanon te ai,Ma kam bon aki naba okirai,’+ bon ana taeka Iehova.
12 Ngaia are anne te bwai ae N na karaoia nakoim, ngkoe ae Iteraera.
Ko na katauraoiko bwa ko na boo ma Atuam, ngkoe ae IteraeraIbukina bwa aio te bwai ae N na karaoia nakoim.
13 Bwa noria! boni Ngaia are e karikii maunga+ ao e karika te ang.+
E tutuangia aomata Ana iango,E bita tabwenani mainiku nakon te rotongitong,+Ao e toutoui taabo aika rietata n te aonnaba.+
Arana bon Iehova ae Atuaia taanga ni buaka.”
Taiani Kabwarabwara Mai Nano
^ Ke, “aia toka.”
^ Ke, “karitei.”
^ Ke, “katebwina ni mwakoro.”
^ Ke, “akea te amwarake ae I anganingkami bwa kam na kanna.”
