Amota 9:1-15
9 I nora Iehova+ ni mena i etan te baonikarea ao e taku: “Orea tabon te boua are mai eta, ao e na ruru te auti. Koreinako taboia ake mai eta, ao N na kamateia nikiraia n te kabaang. Akea ae e na reke birinakona irouia naake a rabanako, ao e na aki tokanikai te aomata are kataia n rabanako.+
2 Ngkana a kena te Ruanimate* nako naano,Ao e na anaiia baiu mai ikanne,Ao ngkana a waerake nako karawa,Ao N na karuoia mai ikanne.
3 Ao ngkana a karabaia i taubukini Karemera,Ao N na ukoukoriia mai ikanne ao n anaiia.+
Ngkana a karabaia mai matau i kabin taari,Ao N na tua nakon te naeta bwa e na tenaiia ikanne.
4 Ngkana a anaaki ni kataenikaiaki irouia aiaia,Ao mai ikanne are N na tua iai nakon te kabaang ao e na kamateia.+
N na katokai matau i aoia bwa N na karekei kaia ao N na aki kakabwaiaia.+
5 Bwa te Uea ae Moan te Rietata ae Iehova ae Atuaia taanga ni buaka,* boni Ngaia ae ringa te aba,*N te aro are e a ran,+ ao a na nanokawaki kaaina ni kabane.+
E na bane n iabutirake n aron te Naire,Ao e na ikinako n aron te Naire are i Aikubita.’+
6 ‘Teuare karaoa ana kaintamwarake i karawa,Ao e karaoa ana kateitei* i etan te aonnaba,Teuare wetea ranin taari,Bwa e na kabwaroi i aon te aonnaba,+Bon Iehova arana.’+
7 ‘Tibun Iteraera, tiaki bon ai aroia natiia I-Kuti* ngkami irou?’ bon ana taeka Iehova.
‘Tiaki I kairiia tibun Iteraera ni kaotinakoia man te aba are Aikubita,+Ao I-Biritia mai Kirete,+ ao I-Turia mai Kiri?’+
8 ‘Noria! A mena matan te Uea ae Moan te Rietata ae Iehova i aon te tautaeka n uea ae bubure,Ao e na kamauna mai aon te aba.+
Ma N na aki kamaunaia ni kabane tibun Iakoba,’+ bon ana taeka Iehova.
9 ‘Bwa noria! I tuaAo N na ioioiia tibun Iteraera i buakoia natannaomata ni kabane,+N aron temanna ngkana e ioioa te raumea,Ao e aki bwaka te atibu teuana i aontano.
10 A na mate n te kabaang taani bure ni kabane ake mai buakoia au aomata,Ake te koraki ake a kangai, “E na aki kaanira te kabuanibwai ke n roko iroura.”’
11 ‘N te bong anne ao N na katea batan* Tawita+ are e bwaka,Ao N na bonotii bwangabwanga,Ao N na manga karaoa uruakina.
N na manga kateia nakon arona are mangkoangkoa,+
12 Bwa a aonga n abana nikiran Etom+Ao aomata aika tiaki I-Iutaia ake a ingoanaki n arau,’ bon ana taeka Iehova are karaoa aei.
13 ‘Noria! A a roko boong,’ bon ana taeka Iehova,‘Ike te tia kamarautano e nang kauia te tia tai,Ao te tia toutoua te kureebe e nang kauia te tia uouota te koraa.+
Ao e na timtim te wain ae karewe n taiani maunga,+Ao e na raanga* n taian tabuki ni kabane.+
14 N na ikotiia au aomata aika tibun Iteraera ake taenikai ni kaokiia,+Ao a na manga katei kaawa ake a a tia ni kamaroaeaki ao ni maeka iai.+
A na ununiki ni nne ni kureebe ao ni moi ni wainia,+Ao a na karaoi aia onnaroka ma ni kang uaaia.’+
15 ‘N na unikiia i aon abaia,Ao a na aki manga taekaki wakaaiaMai abaia are I a tia n angania,’+ bon ana taeka Iehova ae Atuam.”
Taiani Kabwarabwara Mai Nano
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “Tabaota.” Nora Nanon Taeka.
^ Ke, “te aonnaba.”
^ Ke, “te taubuki ae mronron; ruun te auti.”
^ Ke, “I-Itiobia.”
^ Ke, “ana umwanrianna; umwan.”
^ Ebera, “e na ran.”
