Ana Anene Toromon 5:1-16
-
Te tia kawakintiibu (1a)
-
Ainen Ierutarem (1b)
-
‘Kam na taonakinako ni kukureimi ni kaotiotan te tangira!’
-
-
Te ateiaine (2-8)
-
E taekina miina
-
-
Natin Ierutarem aika aine (9)
-
‘Tera raoiroin riki raom ane tangiraki nakoia raao ake tabeman?’
-
-
Te ateiaine (10-16)
-
“Akea n ai arona i buakoia aomata aika tebwina tenga” (10)
-
5 “I a tia n rin n au onnaroka,+Ngkoe ae mwaaneu ae au kainrou.
I kinika au mura* ao au rengarenga.+
I kana nnen aia karewe manibeeru ma te karewe are i nanona,I nima au wain ao rannimamman au man.”+
“Amwarake ngkami aika raoraou aika tangiraki,Ao moi ao kam na taonakinako ni kukureimi ni kaotiotan te tangira!”+
2 “I matu ma e taratara nanou.+
I ongo karongoaan ana karebwerebwe teuare tangiraki irou!”
“Kaukia nakoiu, ngkoe ae mwaaneu ae raou ae tangiraki,Au taobe ao raou ae akea waewaeana!
Bwa e mwaimwai atuu n te aoi,Ao irau n aomwaimwain te tairiki.”+
3 “‘I a tia ni buuta au kauaatao.
I riai ni manga karinna?
I a tia n teboki waeu.
I riai ni manga kabentanoi?’
4 E kanakoa baina raou ae tangiraki mani bwangabwangan te mataroa,Ao e a ingainga nanou ibukina.
5 I teirake bwa N na kauka te mataroa nakon raou ae tangiraki,A mwaimwai baiu n te muraAo tabonibaiu n te mura ae ran,Ae e rota bwain tauani kainana.
6 I kauka te mataroa nakon raou ae tangiraki,Ma e a tia n tannako ao ni boonako.
Akea angin nanou ngke e taonnako.
I ukoukoria ma I aki kunea.+
I weweteia ma e aki kaekaai.
7 A norai taan tantani ake a karaoa aia tutuo n te kaawa.
A oreai ao a kaikoakai.
A uotaanako ninirau* taan tantani n taian oo.
8 I kaakingkami i aan te taetae n tuea, ngkami aika natin Ierutarem aika aine:
Ngkana kam nora raou ae tangiraki,Ao tuangnga bwa I aoraki n au tangira.”
9 “Ngkoe ae te kabanea ni baaraoi i buakoia aine,N te aro raa ae e raoiroi riki iai raom ane tangiraki anne nakoia raao aika tangiraki ake tabeman?
N te aro raa ae e raoiroi riki iai raom ane tangiraki anne nakoia raao aika tangiraki ake tabeman,Ngkai ko a boni kaakira i aan te taetae n tuea?”
10 “E kakateke ma n ribaura raou ae tangiraki.
Akea n ai arona i buakoia aomata aika tebwina tenga.
11 Atun teuaei bon te koora, ae te koora ae te kabanea n raoiroi.
E mwaototo n aroni baan te baam* irana ae buabuataki,Ao e roroo n aron te mannikiba ae te reeben.
12 Matan teuaei kaanga ai aroni mataia taobe n taiani karaanga n ran,Aika a tebokiia n rannimamman te man,Aika a tekateka i etan te nei.*
13 Taban teuaei kaanga ai aroni beeran aroka aika boiarara+Ae onrake ni baika boiarara.
Riana boni kiebu aika timtim mai iai te mura ae ran.+
14 A koora tabonibaina. A nim kerutorito* n ukinibaina.
Birotona bon te aiwere* ae karaneaneaaki ae rabunaki n taian tabeiro.*
15 Rangana boni boua aika mabora aika tei i aon niibwa aika koora aika taiani kabanea n raoiroi.
Taraana ai aron Rebanon, ao bon akea n ai arona n aroni kaai aika tiira.+
16 E karewerewe wina,*Ao a tangiraki aroarona ni kabane.+
Ngkami aika natin Ierutarem aika aine, bon au tangira teuaei, ao teuae I tangiria.”
Taiani Kabwarabwara Mai Nano
^ Nora Nanon Taeka.
^ Ke, “rabunani matau.”
^ Ke tao, “n aron amwi n tate.”
^ Ke tao, “mataniwin te koburake n ran.”
^ Nora Nanon Taeka.
^ Nora Nanon Taeka.
^ Nora Nanon Taeka.
^ Ebera, “ngangarakena.”
