Etekiera 28:1-26
28 E a manga roko naba ana taeka Iehova irou, ae kangai:
2 “Natin te aomata, tuanga te tia kairiri i Turo ni kangai, ‘E kangai ana taeka te Uea ae Moan te Rietata ae Iehova:
“Ibukina bwa e a kainikatonga nanom,+ ao ko teimatoa ni kangai, ‘Bon te atua naba ngai temanna.
I tekateka n ana kaintokanuea te atua i nukani marawa.’+
Ma bon te aomata ngkoe ao tiaki te atua,E ngae ngke ko taku i nanom bwa bon te atua ngkoe.
3 Ko taku bwa ko wanawana riki nakon Taniera,+Ao ko iangoia bwa akea te bwai ae raba ae karabaaki mairoum.
4 Ko karekea kaubwaim rinanoni wanawanam ao am ataibwai,Ao ko teimatoa ni kabatiaa riki te koora ma te tirewa i nanon nako nnen am bwai aika kakawaki.+
5 E reke kaubwaim ae bati mani mwaataim n iokinibwai,+
Ao e a rikirake ni kainikatonga nanom ibukini kaubwaim.”’
6 “‘Mangaia ae e kangai ana taeka te Uea ae Moan te Rietata ae Iehova:
“Ibukina bwa ko taku i nanom bwa te atua naba ngkoe temanna,
7 Ao ae I a kairiia ianena bwa a na ekikonako, aika karotoia natannaomata aika akea aia nanoanga,+Ao a na buuta aia kabaang n ekaanako tamaroani wanawanam,Ao a na kamwaraea tamaroam ae rangi ni bati.+
8 A na uotiko rikaaki nakon te mwarua,*Ao ko na mate n te mate taerere i nukani marawa.+
9 Ko na manga kangai naba, ‘Bon te atua naba ngai temanna,’ nakon te aomata ane tiringko?
Ko na bon riki bwa tii te aomata ao tiaki te atua, i nanoni baia te koraki akana kamwaraeko.”’
10 ‘Ko na mate i nanoni baia ianena n ai aroni mateia akana aki korotobibiaki,Bwa boni ngai ae I a tia n taetae,’ bon ana taeka te Uea ae Moan te Rietata ae Iehova.”
11 Ao e a manga roko naba ana taeka Iehova irou, ae kangai:
12 “Natin te aomata, anenea te anene ae kananokawaki* ni kaineti ma uean Turo, ao kangai nakoina, ‘E kangai ana taeka te Uea ae Moan te Rietata ae Iehova:
“Bon te banna ni katoto ngkoe ibukin te kororaoi,Ko on n te wanawana+ ao e kororaoi tamaroam.+
13 Ko mena ngkoa i Eten, n ana onnaroka te Atua.
Ko katamaroaaki n atibu nako aika kakawaki,Ae te rubi,* te tobati, te iatiba,Te kerutorito, te oniki, te iatebi, te tabeiro, te timaraketo,+ ao te emerote,Ao a karaoaki man te koora nibwaia ma nangoaia.
A katauraoaki n te bong are ko karikaki iai.
14 I mwiokoiko bwa te kerubim* ae kabiraki ae te tia kamanomano.
Ko mena n ana maunga ae tabu te Atua,+ ao ko ririaki i buakon atibu aika mwaakaro.
15 Bon akea am bure n arom nako man te bong are ko karikaki iaiNi karokoa kuneakin te buakaka i nanom.+
16 Ibukini mwaitin am iokinibwai+Ao ko a onrake n te tiritiri, ao ko a karaoa ae bure.+
Mangaia ae N na tewenakoko man ana maunga te Atua, bwa kaanga te bwai ae kamwara, ma ni kamaunako+ man atibu aika mwaakaro,Ngkoe ae te kerubim ae te tia kamanomano.
17 E a kainikatonga nanom ibukin tamaroam.+
Ko uruana wanawanam ibukin tamaroam ae rangi ni bati.+
N na tewenakoko nakon te aonnaba.+
N na karaoiko bwa te bwai ni kamataku i mataia ueea.
18 Ko a kamwaraei am tabo aika tabu ibukin am bure ae korakora ma am iokinibwai ae babakanikawai.
N na karokoa te ai bwa e na ura i nanom ao e na kabuekiko.+
N na karinanoko nakon te mannang i aontano i mataia akana tataraiko ni kabane.
19 A na bane akana kinako mai buakoia botannaomata n tarataraiko ma te miroaroa.+
E na karina ma ni kakamaaku tokim,Ao ko na mauna n aki toki.”’”+
20 Ao e a manga roko naba ana taeka Iehova irou, ae kangai:
21 “Natin te aomata, kamwataua taraan Titon+ ao taetae ni burabeti n ekaanako neienne.
22 Ko riai ni kangai, ‘E kangai ana taeka te Uea ae Moan te Rietata ae Iehova:
“Akea bwa I a ekikonako ngkoe ae Titon, ao N na neboaki i nanom.
Ao a na ataia aomata bwa bon Iehova ngai ngkana I karokoa te motikitaeka i aon neienne ao I a katabuaki i nanona.
23 N na karokoa i nanon neienne te aoraki ae kamamate ao e na raanga te raraa i nanoni kawaina nako.
A na bwaka i nanona akana kamateaki ngkana e a roko te kabaang n ekianako man itera nako,Ao a na ataia bwa bon Iehova ngai.+
24 “‘“Ao a nang aki manga otabwaniniaki tibun Iteraera ni kaai aika kateketeke aika kaikoaki ao aroka aika kateketeke aika kammaraki,+ aika aomata aika bwainingareiia, ao a na ataia aomata bwa bon Iehova ngai ae te Uea ae Moan te Rietata.”’
25 “‘E kangai ana taeka te Uea ae Moan te Rietata ae Iehova: “Ngkana I a manga ikotiia tibun Iteraera mai buakoia botannaomata ake a uamaenako i buakoia,+ ao N na boni katabuaki i buakoia i mataia natannaomata.+ Ao a na maeka i abaia+ are I angan au toro are Iakoba.+
26 A na maeka iai ma te mweraoi+ ao a na katei auti ma n uniki kureebe ni nne ni kureebe,+ ao a na maeka ma te mweraoi ngkana I karokoa te motikitaeka i aoia te koraki nako ake a otabwaninia ake a bwainingareiia,+ ao a na ataia bwa bon Iehova ngai ae Atuaia.”’”
Taiani Kabwarabwara Mai Nano
^ Ke, “te ruanimate.”
^ Ke, “anene n tanginiwenei.”
^ Nora Nanon Taeka, “Atibu aika rangi ni kakawaki.”
^ Nora Nanon Taeka.
