Ieremia 12:1-17
12 Ko raoiroi ngkoe ae Iehova+ ngkana I uota au tangitang nakoim,Ao ngkana I taekin nakoim baika kaineti ma te kaetitaeka ae riai.
Ma e aera ngkai e nakoraoi aroia akana buakaka,+Ao e aera ngkai akea tabeaiangaia akana mwamwanaa te aba?
2 Ko unikiia ao a karibui wakaaia.
A rikirake ao a karikiuaa.
Ko mena i wia ma ko raroanako man aia iango aika raba.*+
3 Ma ko ataai raoi ngkoe ae Iehova+ ao ko norai.
Ko a tia n nenera nanou ao ko noria bwa e katiteuanaaki ma ngkoe.+
Katebenakoa temanna imwin temanna n ai aroia tiibu aika a na kamateaki,Ao kaokoroia imwain te bong ni kamateaki.
4 E na maanra riki te aba ni mwauteretere,Ao arokan taian tawaana nako n rai?+
A a maunanako maan ao mannikibaIbukini buakakaia akana maeka iai.
Bwa a taku: “E aki nora te bwai ae e na riki nakoira.”
5 Ngkana ko a kua ni biribiri ma mwaane,Ao ko na kangaa ni kona ni kabobirimwaaka ma taian aoti?+
E ngae ngkana ko aki nanokokoraki n te aba ae rau,Ma e na tera arom ngkanne n taiani buakoako ake a matenten i rarikin te Ioretan?
6 Bwa a babakanikawaiko nabaOin tarim aika kaaini batan tamam.
A tatakarua nakoim.+
Tai onimakiniaE ngae naba ngkana a taekini baika raraoi nakoim.
7 “I kitana au auti,+ I kaaki taekan tibwangau.+
I anga neiere tangiraki irou nako nanoni baia taani kairiribai nakoina.+
8 E a riki irou tibwangau bwa kaanga te raian n te buakonikai.
E bekorara neiei nakoiuAi ngaia ae I a ribaia iai.
9 E a riki irou tibwangau bwa kaanga te mannikiba ae kaakang ae bati karana.*
A otabwaninia mannikiba riki tabeua aika kaakang ao a ewekia.+
Nakomai ikotiingkami ni kabane ngkami aika manin te tawaana,Ao nakomai amwarake.+
10 A bati taani kawakintiibu aika urua au nne ni kureebe.+
A toutoua mwakoron abau.+
A onika mwakoron abau ae I tatangiria bwa te rereua ae kamaroaeaki.
11 E a riki bwa te aba ae aki kona ni maekanaki.
E mwauteretere*Ao e kamaroaeaki i matau.+
E a kamaroaeaki te aba ni kabutaa,Ma bon akea te aomata ae kaaki te baei i nanona.+
12 A roko taan urubwai ni kawai ni kabane aika uruaki ake n te rereua,Bwa e kaakang ana kabaang Iehova mai tabon te aba nakon tabona are teuana.+
Akea te rau iroun te aomata temanna.*
13 A unika te uita ma a taia te aroka ae kateketeke.+
A kakuaia i bon irouia ma bon akea uaana.
A na maamaa n aia uaaIbukin uraraken unin Iehova.”
14 E kangai ana taeka Iehova n ekiianako kaain rarikiu ni kabane aika buakaka, aika a ringa te tibwanga are I kaababaia iai au aomata aika tibun Iteraera:+ “Noria ae I a taeki wakaaia mai abaia,+ ao N na taeki wakaaia tibun Iuta mai buakoia.
15 Ma ngkana I tia n taeki wakaaia ao N na manga nanoangaiia ao N na kaira temanna ma temanna ni kaokia nakon tibwangana ao nakon abana.”
16 “Ao ngkana a bon reiakin raoi kawaia au aomata ao n taetae n tuea n arau ni kangai, ‘Ngkai bon iai Iehova!’ n aron are a reireinia au aomata bwa a na taetae n tuea irouni Baara, ao ane a na bon anganaki nneia i buakoia au aomata.
17 Ma ngkana a rawa n ongeaba, ao N na taeki naba wakaaia te natannaomata anne, N na taeki wakaaia ao N na kamaunaia,” bon ana taeka Iehova.+
Taiani Kabwarabwara Mai Nano
^ Ke, “namakin aika rangi n raba.” Ebera, “kirine.”
^ Ke, “kiriwantanta.”
^ Ke tao, “E nanokawaki.”
^ Ebera, “te iriko teuana.”
