Ieremia 13:1-27
13 Aio te bwai ae e tuangai Iehova: “Naako ao kabooa kabaean nukam ae te rinen ao kabaea i aoni bebeem, ma tai kateboa n te ran.”
2 Mangaia are I kabooa te kabaea n nuka ni kaineti ma ana taeka Iehova, ao I kabaea i aoni bebeeu.
3 Ao e roko ana taeka Iehova irou n te kauatai, ae kangai:
4 “Anaa te kabaea n nuka are ko kabooa ane ko kamanena, ao teirake ao naako nakon te Iuberetiti ao karabaa ikekei n tabwenan te bwaa ae rietata.”
5 Mangaia are I nako ao I karabaa i rarikin te Iuberetiti n aron are e tua Iehova nakoiu.
6 Ma imwini boong aika bati ao e taku Iehova nakoiu: “Teirake ao naako nakon te Iuberetiti, ao anaa mai iai te kabaea n nuka are I tua nakoim bwa ko na karabaa ikekei.”
7 Mangaia are I nakon te Iuberetiti ao I kena te kabaea n nuka ao I anaia man te tabo are I karabaa iai, ao I noria bwa e a uruaki te kabaea n nuka. Ai bon akea manenana.
8 Ao e roko ana taeka Iehova irou, ae kangai:
9 “E kangai ana taeka Iehova, ‘N aron anne ao N na urua nanorietan Iuta ao te nanorieta ae korakora are iroun Ierutarem.+
10 A na riki bwa ai aron te kabaea n nuka ae akea manenana aomata aika buakaka aikai, aika a rawa n ongo n au taeka,+ aika a imanono n iririi oin nanoia,+ ao a kakairi irouia atua riki tabeman, ma n toro irouia ao ni bobaraaki nakoia.’
11 ‘Bwa n aron te kabaea n nuka ae nimta bebeen te aomata, ao ai aroia naba tibun Iteraera ae bwanin ao tibun Iuta ae bwanin bwa I karaoiia ngkoa bwa a na nimtai,’ bon ana taeka Iehova, ‘bwa a na riki bwa au aomata,+ atongau,+ karaoiroau, ao te bwai ae e na kaota karineau. Ma a aki ongeaba.’+
12 “Ao ko riai naba n angania te rongorongo ae kangai: ‘E kangai ana taeka Iehova ae Atuan Iteraera: “A riai kaatibu aika bubura ni kabane ni kaonaki n te wain.”’ Ao ane a na kaekako ni kangai, ‘Tiaki ti a kaman ataia ae a riai kaatibu aika bubura ni kabane ni kaonaki n te wain?’
13 Kangai ngkanne nakoia, ‘E kangai ana taeka Iehova: “Noria ae I a kaonia kaain te aba aei ni kabane n te wain ni karokoa ae a koro ni manging,+ aika ueea ake a tekateka n ana kaintokanuea Tawita, ibonga* ma burabeti, ao kaain Ierutarem ni kabane.
14 Ao temanna N na ibeibeia ma are temanna, aika taama ma naati mwaane,” bon ana taeka Iehova.+ “N na aki kaota te atataiaomata nakoia, ao N na aki nanokawaki naba teutana ibukia ke n nanoangaiia naba teutana. Akea te bwai teuana ae e na tukai mani kamaunaaia.”’+
15 Ongora ao kakauongo.
Tai kainikatonga bwa e a tia Iehova n taetae.
16 Angan Iehova ae Atuami te neboaki,Imwain ae e karokoa te rotongitongAo imwain ae a tatanako waemi i aoni maunga n te airoo.
Kam na kariariaa te ootaMa ane e na karokoa te rotongitong ae korakora.
E na karikia bwa te rotongitong ae matenten.+
17 Ao ngkana kam rawa n ongo,Ao N* na karabaai n tang ibukin nanorietami.
A na waanako rannimatau aika bati, ao a na tiinako rannimatau,+Ibukina bwa e a kairakinako bwa te taenikai ana nanai Iehova.+
18 Tuanga te uea ao tinan te uea+ ni kangai, ‘Tekateka n te tabo ae mangori,Bwa e na bwaka ami baunuea ae tamaroa mai atumi.’
19 A kainaki* kaawa ake i maiaki, ao akea temanna ae e na kauki.
A bane kaain Iuta ni kairakinako bwa taenikai. A boni babane ni kairakinako bwa taenikai.+
20 Euti matam ao taraiia akana roko mai meang.+
E a nga te nanai are ko anganaki, aika am tiibu aika tamaroa?+
21 Tera ae ko na taekinna ngkana e a roko tuuaamMairouia raoraom ni kaan ake ko reireinia man te moantai?+
Tiaki e na taonikonako te ariri ni maraki, n aroni marakin te aine ae nangi bung?+
22 Ao ngkana ko kangai i nanom, ‘E aera ngkai a a roko i aou baikai?’+
Bon ibukin am kairua ae bati ae a a buutaki iai ririm,+Ao e a karaoaki ae iowawa nakoni bukini waem.
23 E kona te I-Kuti* ni bita kunna, ke kiriwantantana te rebwari?+
Ngkana a kona, ao kam kona naba ngkami ni karaoa ae raoiroi,Ngkami aika kam kataneiaaki ni karaoan te buakaka.
24 Ngaia ae N na kamaenakoia n ai aron te uteute ae mwau ae ukakinako n angin te rereua.+
25 Aio tibwangam, ae tibwam ae I a tia ni baireia ibukim,” bon ana taeka Iehova,“Ibukina bwa ko a tia ni mwanuokinai+ ao ko onimakini keewe.+
26 Mangaia ae N na ietiirake ririm n rabuna ubum,Ao e na noraki kamaamaeam,+
27 Aika am mwakuri ni wene ni kimoa+ ma karongoaan am kaibwabwaru,Ao kammairan* am mwakuri ni kakabooaki ibukin te wene ni bure.
I a tia n nori am mwakuri aika koro n ribaaki+I aon tabuki n te tawaana.
Ke e reke kaim ngkoe ae Ierutarem!
Ai tii maanra riki ngkoe n teimatoa ni kamwara?”+
Taiani Kabwarabwara Mai Nano
^ Nora Nanon Taeka.
^ Ebera, ne’phesh, nora Nanon Taeka.
^ Ke, “otabwaniniaki.”
^ Ke, “te I-Itiobia.”
^ Ke, “kamaamaan.”
