Ieremia 30:1-24
-
E beritanaki manga kamaiuaia (1-24)
30 Te taeka ae roko iroun Ieremia mairoun Iehova, ae kangai:
2 “E kangai ana taeka Iehova ae Atuan Iteraera, ‘Korei n te boki taeka ni kabane aika I taekin nakoim.
3 Bwa “noria! a a roko boong,” bon ana taeka Iehova, “are N na ikotiia iai au aomata aika taenikai, aika tibun Iteraera ao tibun Iuta,”+ bon ana taeka Iehova, “ao N na kaokiia nakon te aba are I angania aia bakatibu, ao a na manga abanna.”’”+
4 Aikai taeka ake e taekin Iehova nakon Iteraera ao Iuta.
5 E kangai ana taeka Iehova:
“Ti ongo karongoaaia aomata aika rurubenebene.
Iai te maakunrang ao akea te rau.
6 Taiaoka titiraki bwa tao e kona te mwaane ni bung ke e aki.
Ao e aera ngkanne ngkai I a noriia mwaane nako aika korakora ma baia i aoni birotoia,*N aron te aine ae bung?+
E aera ngkai a a mainarake ubu ni kabane?
7 Akea ngaira! Bwa bon te bong ae kakamaaku.*+
Akea n ai arona,Te tai n rawawata ibukin Iakoba,Ma e na boni kamaiuaki mai iai.”
8 “Ao n te bong anne,” bon ana taeka Iehova ae Atuaia taanga ni buaka,* “N na otea te amo ni kanakoa mai roroam, ao N na motiki am bwai ni kabaebae nakon uoua, ao akea ianena* aika a na manga karika teuaei* bwa aia toro.
9 A na toro iroun Iehova ae Atuaia ma Tawita are aia uea, are N na kateirakea ibukia.”+
10 “Ao ngkoe ae au toro ae Iakoba, tai maaku,” bon ana taeka Iehova,“Ao tai maakunrang ngkoe ae Iteraera.+
Bwa N na kamaiuko mai kiraroa,Ao kanoam man te aba are a taenikai iai.+
E na oki Iakoba ao e na rau ma n aki kakiriweaki,Ao akea temanna ae e na kakamaakuia.”+
11 “Bwa I memena iroum,” bon ana taeka Iehova, “bwa N na kamaiuko.
Ma N na karaoa te kakamauna i buakoia natannaomata ni kabane ake I kamaenakoko nakoia.+
Ma N na aki kamaunako.+
N na reireiniko ni kaetiko n te mwaiti ae bon riai,Ao N na bon aki katikuko n aki katuuaaeko.”+
12 Bwa e kangai ana taeka Iehova:
“E a bon aki kona ni katokaki uruakim.+
E aki kona ni mao ikoakim.
13 Akea ae e na tei ibukin am tangitang,Ao e na aki kona ni kamaoaki kaboam.
Ko aki kona ni kamarurungaki.
14 A a bane ni mwaninga taekam naake am tangira ake a korakora aia kaibwabwaru.+
A aikoa manga ukoukoriko.
Bwa I oreiko n ana oro te tia kairiribai,+Ao n ana katuuaa te aomata ae iowawa,Ibukin am kairua ae korakora ao am bure aika bati.+
15 E aera ngkai ko tang n takarua ibukin uruakim?
E aki kona ni katokaki marakim!
I karaoa aei nakoim
Ibukin am kairua ae korakora ao am bure aika bati.+
16 Mangaia ae a na bane ni kabwautaki te koraki ake a kabwautiko,+Ao a na nako naba bwa taenikai taani kairiribai nakoim ni kabane,+Ao a na anaaki aia bwai te koraki ake a anai am bwai,
Ao N na anga ni kabane te koraki ake a kuribwaiko bwa a na kuribwaiaki.”+
17 “Ma N na manga kaoka marurungim ao ni kamaoi ikoakim,”+ bon ana taeka Iehova,“E ngae ngke a araniko bwa e a kaakaki taekam, ni kangai:
‘Tion ae akea ae e ukoukoria.’”+
18 E kangai ana taeka Iehova:
“Ae I a ikotiia taenikai ake kaain ana umwanrianna Iakoba,+Ao N na nanoangai ana umwanrianna aika tabu.
E na manga kateaki te kaawa i aoni nnena ae tabuki,+Ao e na tei te taua ae nonoaki n ana tabo ae riai.
19 Ao e na roko mairouia te katituaraoi ao karongoaan te ngarengare.+
N na kamwaitiia ao a na aki karako mwaitiia.+
N na karaoiia bwa a na rangi ni bati,*Ao a na aki riki ni mangori.+
20 A na riki natina mwaane n aron are rimoa,Ao e na teimatoa i matau ana botaki n aomata.+
N na karaoa te bwai teuana nakoia taani karawawataa ni kabane.+
21 Ao ana aomata ae kakannato bon ana aomata,Ao e na otinako ana tia tautaeka boni mairouna.
N na karaoia bwa e na keerake ao e na kaaniai.”
“Bwa antai ae ninikoria* ni kaaniai?” bon ana taeka Iehova.
22 “Ao kam na riki bwa au aomata,+ ao N na riki bwa Atuami.”+
23 Noria! E na otinako ana angibuaka Iehova ma te un ae korakora,+Ae te ukeukennanti ae uka aon atuia akana buakaka.
24 E na aki rairakinako uraraken unin Iehova,Ni karokoa ae e tia ni karaoi ao ni kakororaoi baike e kani karaoi nanona.+
Ane kam na ota raoi n te baei ni kabaneani boong.+
Taiani Kabwarabwara Mai Nano
^ Ke, “bebeeia.”
^ Ebera, “kakannato.”
^ Ke, “Tabaota.” Nora Nanon Taeka.
^ Ke, “iabatera.”
^ Ke, “karikiia naakai.”
^ Ke tao, “karineaki.”
^ Ebera, “anga nanona bwa te bwai ni kakoaua.”
