Iobi 12:1-25
12 E kaeka ngkanne Iobi ni kangai:
2 “E koaua bwa boni ngkami aika kam atatai,*Ao e na maunanako te wanawana ma ngkami!
3 Ma iai naba irou te ataibwai.*
I aki mangori riki nakoimi.
Antai ae aki atai baikai?
4 I riki bwa te bwai ni ngareakinaki irouia raou,+Ae teuae wetea te Atua ibukin te kaeka.+
Bon te bwai ni ngareakinaki te aomata ae raoiroi ma n akea kabuakakaana.
5 E kakanikoa te kabuanibwai te aomata ae akea tabeaiangana,Bwa e iangoia ae tii ibukia akana nimamate* waeia.
6 A rau aia umwanrianna taani kamwarua,+Ao a mweraoi akana kauna te Atua,+Ake te koraki ake iai atuaia i nanoni baia.
7 Ma I butiiko bwa ko na titirakinia maan, ao ane a na reireiniko,Ao mannikiba ake i annang, ao ane a na tuangko.
8 Ke kaota tabeakinan* te aonnaba, ao ane e na tuangko,Ao ane a na taekinna nakoim ikan taari.
9 Antai i buakoia aikai ni kabane ae e aki ataiaAe boni bain Iehova ae karaoa aei?
10 E mena i nanoni baina maiuni bwaai ni kabane aika maiu,Ao ikeikeia* aomata nako.+
11 Tiaki e tuoi raoi taeka te taninga,N aron te newe* ngkai e nora kangkangin te amwarake?+
12 Tiaki e mena irouia kaara te wanawana,+Ao tiaki bon irian te maiu ae abwabwaki te ataibwai?
13 Iai irouna te wanawana ma te mwaaka ae korakora,+Ao bon ana bwai te reirei ni kairiri ma te ataibwai.+
14 Ngkana e urua te bwai teuana ni kabwakaa, e aki kona ni manga kateaki,+Ao te baere e kainna, akea te aomata ae kona ni kaukia.
15 Ngkana e taua te ran, ao a mwautakataka bwaai ni kabane,+Ngkana e kanakoa, ao e taonaanako te aonnaba.+
16 Iai irouna te korakora ao te wanawana,*+E mena i aani mwaakana te aomata ae karaoa ae kairua ao ane e kairiri nakoni karaoan ae kairua.
17 E kanakoia taan anga te reirei ni kairiri n akea nangoani waeia,*Ao e kababaia taani moti.+
18 E kabwarai kabaebae ake a kabaeaki irouia ueea,+Ao e kabaea te roo i aoni bebeeia.
19 E kanakonakoia ibonga* n akea nangoani waeia,+Ao e kabwakaia ake a a maan n taua te nakoa.+
20 E kaini wia taan angareirei n ibuobuoki aika onimakinaki,Ao e uotiinako rabakauia unimwaane,
21 E kabwaroa te kakanikoaki i aoia bwaanuea,+Ao e kamamaaraia akana korakora.*
22 E kaotii baika nano man te rotongitong+Ao e kaotaa te rotongitong ae korakora.
23 E karikirakei korakoraia natannaomata bwa e na manga kamaunaia,Ao e karaababaia nako natannaomata, bwa e na manga kairiianako bwa taenikai.
24 E uotiinako aia ataibwai* aia tia kairiri aomata,Ao e katiotionakoia n aaba aika aki kona ni maekanaki aika akea kawaia.+
25 A kua ni kakaaea aia bwai n te rotongitong,+ ike akea iai te oota,Ao e katiotionakoia n ai aroia mwaane aika koro ni manging.+
Taiani Kabwarabwara Mai Nano
^ Ebera, “bon aomata ngkami.”
^ Ebera, “te nano.”
^ Ke, “marannako.”
^ Ke tao, “kataetaea.”
^ Nora Nanon Taeka, “Taamnei.”
^ Ebera, “ngangarake.”
^ Ke, “te wanawana ae manena.”
^ Ke, “anai aia bwai ni kabane.”
^ Nora Nanon Taeka.
^ Ebera, “kabwarai kabaean nukaia akana korakora.”
^ Ebera, “nanoia.”
